TOMMI YOUNG - A rider on the storm...

Vinsælustu hljómsveitir Íslands - Önnur lota

2012-01-15T20:21:00.001Z

Ég telst áreiðinlega til fárra þeirra sem eru áhugamenn um tölfræði hljómsveita út frá Facebook aðdáendafjölda. Eftir að hafa skrifað fyrsta pistilinn sannfærist ég enn frekar að hér er ekki um neinn bull mælikvarða að ræða. Ef fyrsti listinn er skoðaður þá er hann í stórum dráttum nokkuð rökréttur. Björk er stærsti artistinn, Sigur Rós númer 2, Jónsi (solo) númer 3, svo Múm nr. 4 og Emilíana Torrini nr. 5. Bara svo það sé svart á hvítu og undirstrikað þá er þetta ekki vísbending um hversu marga aðdáendur sveitirnar eiga heldur hversu stórar þær eru hlutfallslega í samanburði við aðrar. Ég geng út frá því að það eru ekkert allir á Facebook og þeir sem eru á Facebook eru ekkert endilega búnir að 'læka' hljómsveitir sem þeir fíla. En hér er byggt á þeim (óvísindalega) grunni að vitleysan er alltaf álíka mikil.

Að því sögðu er hér uppfærður listi yfir þær íslensku hljómsveitir sem eiga flesta Facebook aðdáendur. Á listanum má sjá breytingu á þriggja mánaða tímabili. Óumdeildur hástökkvari er Of Monsters and Men en þau voru í 14. sæti með um 11 þús aðdáendur. Þá var Mugison í 20. sæti en hann er nú kominn í 14. sæti. Það er fróðlegt að skoða svona breytingar en báðir artistar hafa átt góðu gengi að fagna að undanförnu; OMAM með samninginn við Universal á heimsvísu og Mugison mokseldi plötuna sína Haglél og hélt fría tónleika í Hörpunni sem slógu í gegn.

		9. okt.2011	9. jan.2012
1	Björk	1.570.000	1.973.367
2	Sigur Rós	833.000	1.032.028
3	Jónsi	188.000	197.944
4	Múm	65.000	71.041
5	Emilíana Torrini	61.000	62.377
6	Ólafur Arnalds	39.000	46.413
7	FM Belfast	25.000	29.710
8	Gusgus	24.000	28.649
9	Of Monsters &..	11.000	28.438
10	Dikta	27.000	27.531
11	Páll Óskar	20.000	21.152
12	Seabear	16.000	17.649
13	Jónsi & Alex	15.000	16.252
14	Mugison	8.000	12.997
15	Amiina	11.000	12.422
16	Hjálmar	12.000	12.250
17	Sóley		12.086
18	Agent Fresco	11.000	11.841
19	Steed Lord		11.689
20	Hjaltalín	10.000	10.767
21	Retro Stefson	9.000	10.230
22	Lára	9.000	9.126
23	Sálin	8.000	8.399
24	Sólstafir	6.000	8.200
25	Blaz Roca	8.000	7.973
26	For a minor ref.	7.000	7.617
27	Bloodgroup	7.000	7.349
28	Sykur	7.000	7.153
29	Skálmöld	6.000	7.016
30	Friðrik Dór	7.000	6.837
31	Bang Gang	6.000	6.586
32	Sin Fang		6.287

Eins og glöggir sjá vantaði á fyrri lista tölur fyrir Sóley, Steed Lord og Sin Fang en ég reyni að lista bara hljómsveitir sem eru með yfir 6 þús aðdáendur. Ef ég er að gleyma einhverri þá máttu endilega láta mig vita! Fyrstu tölurnar voru líka allar námundaðar en ég ákvað að hætta því og hafa þetta bara rétt!

Hér má sjá myndrænt topp 10 hljómsveitirnar.

Og að lokum má hér sjá hvaða hljómsveitir bættu mest við sig frá síðustu talningu í prósentum.

Gott stöff

2012-01-03T23:43:00.001Z

Gott stöff er stundum ill finnanlegt. Þetta er helst á döfinni þessa dagana.

Líf mitt hefur tekið stakkaskiptum þegar kemur að skipulagi. Ég vinn í mörgum verkefnum á sama tíma og það eru margir punktar, to do hlutir o.fl. sem fara í gegnum hugann alla daga. Ég var með skrilljón todo-lista út um allt og ég var með yfirþyrmandi marga Stickies í gangi í tölvunni. Along came Workflowy. Ótakmörkuð snilld (kannski ekki fyrir alla - en fyrir mig! Mos def.)

Homeland - gríðarlega gott sjónvarpsefni. Svolítið amerískt á köflum en annars mjög gott. Claire Danes fer á kostum. Þættirnir um hermann sem er talinn látinn og snýr aftur til USA eftir að hafa verið píndur og týndur í 8 ár. Gott stöff.

Pixlr - Hver sem sá hefur ekki *hóst* efni á Photoshop þarf nú ekki að örvænta þökk sé frábæru tóli sem heitir Pixlr. Þetta gerir allt það helsta í myndvinnslu; minnka/stækka, croppa, róteita, blurra, gera svarthvíta o.s.frv. Það er reyndar fullt af adjustments þarna. Allt frítt. Allt einfalt. "Mamma mín gæti notað þetta".

Það fyndna er að það er einn og sami maðurinn sem mældi með öllum þessum hlutum en hann gaf Facebook-vinum sínum m.a. Pixlr "jólagjöf" sem ábendingu. Takk Sveinn Birkir Björnsson. Þú ert lovlí.

Moment of truth!

2011-12-31T12:30:00.001Z

Þá er komið að því að velja þær tíu plötur sem stóðu upp úr á árinu 2011. Þær eru...

Low - C'Mon
Kurt Vile - Smoke Ring for My Halo
Bon Iver - Bon Iver
PJ Harvey - Let England Shake
Beirut - The Rip Tide
Lykke Li - Wounded Rhymes
Anna Calvi - Anna Calvi
Peter, Bjorn og John - Gimme Some
Radiohead - King of Limbs
Real Estate - Days

Valið var ekkert sérstaklega erfitt að þessu sinni. Mér fannst plöturnar hjá Low, Kurt Vile og Bon Iver lang eftirminnilegastar og allar fantagóðar. Þær eru í raun þeim eiginleikum gæddar að verða bara alls ekkert þreyttar sama hversu oft maður hlustar. PJ Harvey platan var nokkur skipti að smjúga inn hjá mér en vá þegar hún datt inn... Geggjuð plata. Beirut platan er góð þó mér þykir fyrsta platan alltaf best. The Flying Cup Club (plata nr. 2) var góð hjá honum og The Rip Tide er bara rökrétt (en kannski svolítið keimlíkt) framhald.

Töffararnir Lykke Li og Anna Calvi áttu góðu gengi að fagna á árinu. Ég sá Li á Hróarskeldu og holy hell hvað hún er góð á tónleikum. Plata Önnu Calvi er frábær. Ég man satt að segja ekki eftir svona sætum gítartöffara af kvenkyninu í langan tíma (að undanskilinni St. Vincent en platan hennar er góð þó hún sé kannski ekki ein af topp 10 hjá mér á árinu).

Peter, Bjorn og John er aldeilis að koma sterkir til baka með Gimme Some. Mörg gríðarsterk lög á þeirri plötu. Það er kannski margir löngu komnir með nóg af henni en það verður ekki framhjá því litið að þessi plata er hin mesta gæðaplata.

Radiohead. Hvað getur maður sagt? Þetta er ekki uppáhaldsplatan mín með þessari uppáhaldshljómsveit minni en hún er samt góð og á heima á topp 10. Það eru mörg lög á plötunni sem ég kann mjög vel að meta á meðan það eru önnur sem ég segi stundum bara "æ, nei, ekki meira. Ekki núna". Lögin sem þeir hentu á netið, Supercollider og The Butcher, eftir að platan kom út (sem áttu víst að fara upprunalega á plötuna) fannst mér betri en flest "æ, nei..."-lögin.

Real Estate gáfu út plötuna Days á árinu - þeirra önnur plata - og hún er svona líka gríðarhressandi. Ekkert meistarastykki en þægilegt gæðapopp sem flýtur hjá eins og vindurinn niðri á bryggju. Gott vinnuheddfónastöff og á skilið að vera hér á meðal platna ársins.

Og þá er bara að sjá hvað 2012 færir manni.

Íslenskar plötur ársins

2011-12-18T09:17:00.000Z

Það er farið að hljóma eins og klisja þegar talað er um að sérstaklega góð tónlistarár séu að líða. En svei mér þá - þetta hefur verið fja-a-andi ár. Svo gott var árið að þó að maður geri lista yfir 10 bestu plötur ársins urðu samt einhverjar útundan.

Í engri sérstakri röð... Voila. Tíu íslenskar plötur ársins.

Haglél - Mugison

Órar - Hjálmar

We sink - Sóley

Brostinn strengur - Lay Low
Brostinn Strengur by lovisalaylow

Big Spring - Helgi Jónsson
<p>&amp;amp;amp;lt;p&amp;amp;amp;gt;&amp;amp;amp;amp;amp;amp;amp;lt;p&amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;a href="http://helgijonsson.bandcamp.com/album/darkest-part-of-town"&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;Darkest Part of Town by Helgi Jonsson&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/a&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;amp;amp;amp;amp;lt;/p&amp;amp;amp;amp;amp;amp;amp;amp;amp;amp;amp;gt;&amp;amp;amp;amp;amp;amp;amp;lt;/p&amp;amp;amp;amp;amp;amp;amp;gt;&amp;amp;amp;lt;/p&amp;amp;amp;gt;</p>

Summer Echoes - Sin Fang

My head is an animal - Of monsters and men

Biophilia - Björk

Locust sounds - Reykjavík!

Arabian Horse - Gusgus

2011-12-01T09:09:00.001Z

Í tilefni af degi íslenskrar tónlistar!

Low

2011-11-18T11:32:00.000Z

Greyi platan frá Low (C'Mon) fær engan frið frá mér - örugglega dauðþreytt á mér!

Þessi endar ofarlega á árslistanum - fo sho.

Tommborgarinn

2011-10-30T11:10:00.001Z

Í þeirri röð sem þú horfir á Tommborgarann, top to bottom:

Hamborgarabrauð - hitað á útigrilli, slightly burned.
Fabrikku-hamborgarasósa
Kál
Paprika
Tómatar
Gúrkur
Feta ostur
Pestó rautt
Ostsneiðar
Hamborgarakjöt (grillað á útigrilli, auðvitað)
BBQ-sósa honey hickory
Hamborgarabrauð - hitað á útigrilli, slightly burned.

Eðall. 5 stjörnur.

Ef andinn kemur yfir mann koma líka uppskriftirnar að T-ommilettunni og Tomma spes-samlokunni bráðum. Uppskriftabókin "Tommi Tomm-matur" verður fáanleg í öllum verslunum jólin 2029.

"Listinn"

2011-10-29T01:29:00.000Z

1.-3. sæti
Bored to death
The Office (US)
An Idiot Abroad

4.-6. sæti
Hung
Survivor
Dexter

7.-9. sæti
Testees
Modern Family
The Amazing Race

10. sæti
How I Met Your Mother

Ekki sýndir um þessar mundir (eða hættir) en eiga heima á "lista":
Lost
True Blood
Shameless
The Office (UK)
Friends
Curb your enthusiasm
Californication
Episodes

Klovn

Eastbound and Down

Kenny vs. Spenny

Feik læk

2011-10-25T22:05:00.004Z

Það kvarta margir undan öllum þeim leikjum sem eru í gangi á samfélagsmiðlum og þá helst eru þeir áberandi á Facebook. "Lækaðu þetta", "deildu þessu", "deildu síðunni okkar", "hoppaðu 6 sinnum snúðu þér í þrjá hringi" og bla bla bla. Ég hef stundum náð að skrolla niður 2-3 "síður" eða skipti án þess að sjá nokkuð annað en svona leiki eða auglýsingar frá fyrirtækjum. Þetta er pirrandi. "Hvar er allt fólkið?" hugsa ég stundum. Facebook var ekki hugsað í upphafi sem markaðstæki fyrir fyrirtæki eða ný sprotafyrirtæki. Þetta var hugsað sem samfélagsmiðill en það breytir því ekki að fyrirtæki og hljómsveitir og kvikmyndir og hvaðeina nota fésið í svona lagað og auðvitað er þetta snilldartækifæri fyrir þessa aðila til að koma sínu á framfæri. Ég er sjálfur sekur þar sem ég hef haldið leik á íslensku fasbókarsíðu Hróarskelduhátíðainnar. Um 2000 manns þurftu að læka mynd - en til að læka myndina þurfti fólk fyrst að læka síðuna. Þar með fékk ég á einu bretti tvö þúsund nýja "aðdáendur". Og ég hef séð leiki - þessa mjög svo áberandi Facebook-leiki þar sem iPhone eða eitthvað álíka dýrt er í boði - þar sem feisbúkksíður hafa fengið miklu miklu meira en tvö þúsund nýja aðdáendur með þessum leiðum.

Málið er samt þetta: án allra leikja og annarra leiða til að lokka fólk til að læka síðu þá læka ég ekki síðu nema ég sé í raun aðdáandi. Ef varan sem er í boði er nógu girnileg þá freistast ég líka til að læka síðu til að eiga séns. Nú get ég ekki alhæft, en ég held að fólk svona almennt fari ekki bara og læki alls konar shit sem það þekkir ekki bara að gamni sínu. Það kannski finnur feisbúkksíðu hljómsveitar sem það er að fíla í kjölfar þess að hafa hlustað á tónlistina eða séð bandið live (og þetta má yfirfæra á fyrirtæki og vörur og allan fjandann) og lækar því síðuna. Þetta eru alvörur aðdáendur (eða líkendur - hræðilegt orð). Þegar fyrirtæki og aðilar eru með leiki þar sem eina incentive-ið er einhver girnileg vara eru þeir í raun bara að safna algerlega tilgangslausu fólki, eða 'fake followers', sem er hrikalega ólíklegt til að kaupa vöruna eða diska með hljómsveitinni sem það er í raun að reyna auglýsa eða koma á framfæri. Í mínu tilfelli með Hróarskelduleikinn má færa rök fyrir því að það er ágætt að safna svona 'feik followers' - fólki sem myndi annars aldrei fara á Hróarskeldu, þar sem það sér samt hvað er í gangi og talar jafnvel um það úti í samfélaginu. Kalli: "Hey Lalli, sástu að Prince er að spila á Hróarskeldu?" Lalli: "Já maður! Djöfull væri það geðveikt". Svo fara Kalli og Lalli aldrei á Hróarskeldu. En frændi þeirra sem heyrði þá tala er kannski mesti Prince aðdáandi á Íslandi og skellti sér út.

Auðvitað er það freistandi að með einum smell á músinni á tölvuninni að eiga möguleika á að vinna skó, síma og flugferðir út í heim. No doubt. Og ef það er séns í helvíti að eignast eitthvað með þeirri leið finnst mér bara kúl að fólk græði eitthvað á þessu. Ég þekki meira að segja fólk sem hefur unnið í svona leikjum og það er bara gott og vel en það er mín tilfinning að þeir sem standa fyrir svona leikjum átti sig ekki allir á því að það er ekki nóg að fá bara trilljón like og halda þar með að vörurnar þrykkist úr búðarhillunum. Þetta er gott markaðssetningartæki - það er, til að koma hlutum á framfæri eins og nýjum vörum - en ég held að þetta sé engin solid leið til að auka söluna - þó það geri það án efa í einhverjum tilvikum.

Danska Roskilde-facebook síðan er held ég ein af fáum svona "fyrirtækja"-síðum á Facebook sem ég hef aldrei séð vera með neinn svona "like this page"-leik og má því færa rök fyrir því að allar 102 þúsund manneskjurnar sem hafa lækað síðuna hjá þeim eru í raun aðdáendur hátíðarinnar - OG eru sennilega allir með tölu annað hvort búnir að fara á hátíðina (það er ekki erfitt að finna 102 þús. manns sem hafa heimsótt hátíðina) eða ætla að fara á hátíðina. Ósviknir aðdáendur. Á meðan leyfi ég mér að efast um að þær 11 þúsund manneskjur sem hafa lækað iSíminn á Facebook séu í raun aðdáendur verslunnarinnar eða hafa verslað við búðina. Sama má segja um þær 26 þúsund manneskjur á feisbúkksíðu Hópkóp.is. Bara pæling.

Francis International Airport

2011-10-25T15:49:00.003Z

Skemmtilegt nafn á hljómsveit; Francis International Airport. Platan þeirra "In the woods" frá 2010, sem er víst þeirra önnur, er afar góð að mínu mati. Hljómsveitin er austurrísk og samanstendur af fjórum kauðum. Gítarpopp í hæsta gæðaflokki. Fínar pælingar.

Söngurinn minnir mig reyndar svolítið á einhvern annan sem ég bara hef ekki ennþá komið fyrir mig... mig langar að segja Postal Service/Death Cab For Cutie (Ben Gibbard) söngvarinn en það er samt ekki hann...

Aðdáendafjöldi á Facebook: 2.696 stk.

Frítt stream á plötuna hér.

Heimasíða: www.francisinternationalairport.com

Vinsælustu hljómsveitir Íslands

2011-10-09T16:33:00.009Z

Ef Facebook-aðdáendafjöldi væri mælikvarði á vinsældir hljómsveita þá er eftirfarandi listi yfir vinsælustu hljómsveitir Íslands. Væri áhugavert að kanna þetta svo aftur eftir 6 mánuði eða ár. Auðvitað eru hljómsveitir misvirkar á samfélagsmiðlum. Mér finnst þessi listi að hluta til nokkuð rökréttur en svo er margt þarna sem ég held að kæmi hinum almenna borgara á óvart. Ég er örugglega að gleyma einhverjum hljómsveitum (ábendingar vel þegnar) en svona lítur listinn út í dag.

1. Björk 1,57 milljónir
2. Sigur Rós 833 þús
3. Jónsi 188 þús
4. Múm 65 þús
5. Emilíana Torrini 61 þús
6. Ólafur Arnalds 39 þús
7. Dikta 27 þús
8. FM Belfast 25 þús
9. Gusgus 24 þús
10. Páll Óskar 20 þús
11. Seabear 16 þús
12. Jónsi & Alex 15 þús
13. Hjálmar 12 þús
14. Of monsters and Men 11 þús
15. Agent Fresco 11 þús
16. Amiina 11 þús
17. Hjaltalín 10 þús
18. Lára 9 þús
19. Retro Stefson 9 þús
20. Mugison 8 þús
21. Blaz Roca 8 þús
22. Sálin hans Jóns míns 8 þús
23. Sykur 7 þús
24. Friðrik Dór 7 þús
25. Bloodgroup 7 þús
26. For a minor reflection 7 þús
27. Banggang 6 þús
28. Skálmöld 6 þús
29. Sólstafir 6 þús

Það eru óteljandi bönd undir 5 þús, en hér eru nokkur til upplýsingar:

Mezzoforte 5 þús
Sinfóníuhljómsveit Íslands 5 þús
Sykurmolarnir 4 þús
HAM 4 þús
Valdimar 4 þús
Árstíðir 4 þús
Ólöf Arnalds 4 þús
Quarashi 4 þús
Sóley 3 þús

Óður til Will

2011-03-22T22:12:00.002Z

Eftir að hafa séð myndband póstað á Facebook af Will Oldham í rappmyndbandi með Zach Galifianakis frétti ég að honum væri margt til listanna lagt en að flytja sína undurfögru angurværa tónlist. Hann er nefnilega leikari líka!

Við skulum kíkja á nokkur dæmi.

Myndbandið af honum með Zach Galifianakis - Will slær í gegn hér með sínum unaðslega mjúku hreyfingum og kúlheitum. Zach stendur líka fyrir sínu - maður sem er einnig hetja í mínum bókum. Þættirnir hans Between Two Ferns á netinu er með betra efni sem hefur komið upp á yfirborð s.l. ára:

Will Oldham er einnig leikari. Hér má sjá trailer af mynd sem hann lék í fyrir ekki svo löngu síðan:

Ég fann ekki myndband af atriðinu sem hann leikur górillutemjara í í Jackass 3D en það er tær snilld. Fólk verður bara að horfa á myndina.

Svo er hann eins og allir vita frábær tónlistarmaður:

Snilli hann Villi, ha?

Sennilega eitt besta lag seinni tíma!

2011-03-01T13:51:00.002Z

Í tilefni af því að tilkynnt hefur verið að John Grant spili á Iceland Airwaves í ár er við hæfi að kynna til leiks uppáhaldslagið mitt með honum. Textinn er ótrúlega skemmtilegur. Læt hann hérna með svo hægt sé að smella á play takkann og lesa textann með. Ég ætlaði að feitletra þær línur sem mér fannst skemmtilegar en ég var næstum búinn að feitletra allt klabbið þannig að ég læt þetta frá mér ófeitletrað. Lagið er fullkominn endir á geggjaðri plötu! Klímax!

.... þá er ekkert eftir nema setja á sig heddfónanna, hækka svo um muni og smella á play og enjoy!

I wanted to change the world
But I could not even change my underwear
And when the shit got really really out of hand
I had it all the way up to my hairline
Which keeps receding like my self-confidence
As if I ever had any of that stuff anyway
I hope I didn't destroy your celebration
Or your Bar Mitzvah, birthday party or your Christmas
You put me in this cage and threw away the key
It was this 'us and them' shit that did me in
You tell me that my life is based upon a lie
I casually mention that I pissed in your coffee
I hope you know that all I want from you is sex
To be with someone that looks smashing in athletic wear
And if your haircut isn't right you'll be dismissed
Get your walking papers and you can leave now

Don't know what to want from this world
I really don't know what to want from this world
I don't know what it is you wouldn't want from me
You really have no right to want anything from me at all
Why don't you take it out on somebody else?
Why don't you bore the shit out of somebody else?
Why don't you tell somebody else that they're selfish?
Weepy coward and pathetic ...

Who's gonna be the one to save me from myself?
You'd better bring a stun gun and perhaps a crowbar
You'd better pack a lunch and get up really early
And you should probably get down on your knees and pray
It's really fun to look embarrassed all the time
Like you could never cut the mustard with the big boys
I really don't know who the fuck you think you are
Can I please see your license and your registration?

Don't know what to want from this world
I really don't know what to want from this world
I don't know what it is you wouldn't want from me
You have no right to want anything from me at all
Why don't you take it out on somebody else?
Why don't you bore the shit out of somebody else?
Why don't you tell somebody else that they're selfish?
Weepy coward and pathetic ...

So Jesus hasn't come in here to pick you up
You'll still be sitting here ten years from now
You're just a sucker but we'll see who gets the last laugh
Who knows, maybe you'll be the next queen of Denmark?

Ég ætla ekki að missa af þessu á Airwaves! En þú?

Leiðinlegasti maður í heimi?

2011-02-24T22:50:00.000Z

Jæja, þá er ein önnur Survivor serían farin í loftið og það nr. 22 í röðinni. Og enn sit ég, Survivor nördið, spenntur við þættina. Skrítið að hugsa til þess að það séu rúm 10 ár síðan ég byrjaði að horfa. Eftirminnilegast við upphafið var þegar okkur Oddi tókst trekk í trekk nánast að eyðileggja Rými æfingar með því að tala svona mikið um Survivor.

Það hefur oft verið tilkynnt eitthvað svaka "twist" en núna á sér stað í rauninni stærsta breyting sem gerð hefur verið á þáttunum. Þegar fólk er kosið út fer það ekki beint heim eins og venjulega heldur fer það á Redemption Island. Svo þegar næsti maður er kosinn út fer hann þangað líka og þeir tveir berjast um hver fær að halda áfram að vera á Redemption Island. Svona mun þetta ganga í einhvern tíma þar til sá sem situr uppi sem sigurvegari á eyjunni fær að koma aftur inn í leikinn og berjast um milljónina. Skemmtilegt!

Einnig er smá auka-"twist" en þeir Boston Rob og Russel Hans eru með enn á ný. Boston Rob í fjórða sinn! og Russell í þriðja skiptið. Allir hinir keppendurnir líta gríðarlega upp til þeirra - sem getur farið nett í mig því ég held að það fyrsta sem ég myndi gera væri að henda út reyndu leikmönnunum.

EN! það áhugaverðasta við seríuna nýju hingað til er góðvinur minn hann Phillip. Þeir sem hafa horft á Survivor vita að það hafa verið margir karekterar þarna sem manni langar hreinlega að slá utan undir sökum leiðinda en núna hafa þeir toppað sig. Í seríunni er Phillip, heldri blámaður, sem segist vera "Former Federal Agent". Þessi maður er óútskýranlega leiðinlegur. Hvert orð, hver setning, stuðar mig svo svakalega að það eru engu líkt. Að auki þá virkar hann á mann sem sá allra heiladauðasti maður sem maður hefur séð.

Þannig að það er margt við þessa seríu sem gerir hana áhugaverða. Þó maður þoli ekki Phillip kallinn þá er hann eins og bílslys. Maður horfir af forvitni þó það sé hræðilegt! Hér má smá brot:

Óskalistinn

2011-02-19T09:58:00.000Z

Þetta eru ávallt áhugaverðustu 2-3 mánuðirnir af árinu þegar kemur að því að bíða og sjá hvað útspil Hróarskelduhátíðin kemur með í tónlistarvali sínu.

Ég er með ákveðinn óskalista. Hann er að hluta til byggður á því hvaða hljómsveitir eru nýbúnar að gefa út plötur og ætti maður því að eiga möguleika á að sjá þær túra og kynna plötur sínar.

1. Radiohead. Ný plata. Stefna Hróarskeldu í grænum málum rímar við stefnu sveitarinnar og því sé ég enga fyrirstöðu. Spiluðu síðasta 2008 en þar á undan 1997 - sem er svolítið langt á milli! Vonum að þeir bíði ekki aftur í 11 ár til að spila á hátíðinni.

2. Arcade Fire. Ný plata. Hins vegar er bara ein dagsetning laus á planinu þeirra í sumar þegar Hróarskelda stendur yfir. Vona að Hróarskelda sitji á þeirri dagsetningu og sé búin að bóka bandið. Magnaðir tónleikar árið 2007.

3. Beady Eye. Væri til að sjá Liam plömma sig á tónleikum án stóra bróðurs síns. Ný plata og vonandi túr.

4. Fleet Foxes. Ný plata væntanleg. Geggjaðir tónleikar árið 2009.

Svo er fullt af öðru sem ég veit ekki hvort er raunhæft. Mumford and sons, The cure, Sufjan Stevens.... svo er fullt af minni nöfnum sem ég hlusta mikið á John Grant, James Vincent McMorrow og fleiri en ég held að ég bindi frekar vonir við þá á Airwaves.

Biðin á enda (að hluta til)

2011-02-18T11:11:00.001Z

Í morgun kom smá forsmekkur af nýju plötunni. Á YouTube síðu sveitarinnar birtist myndbandið með laginu Lotus Flower af komandi plötu. Myndbandið er flott en þar dansar Thommi eins og enginn sé morgundagurinn. Lagið er mjög gott og gefur til kynna að plata verði ekki leiðinleg! Lagið er í breyttri mynd frá því að hann spilaði það fyrst bara á kassagítar (sjá myndband hér að neðan) þar sem það er búið að pródúsera það. Ég get ekki ákveðið hvor útgáfan mér finnst betri. Bara báðar betri.

Lagið eins og Thom söng það árið 2009:

Nýja myndbandið:

3 down - 2 to go

2011-02-17T16:07:00.000Z

Fyrir þremur dögum var tilkynnt að nýja Radiohead platan kæmi út á netinu á laugardaginn. Þarf að bíða í tvo daga í viðbót. Ég er samt yfir mig glaður að þeir ákveði að gera þetta svona á skjön við alla aðra sem tilkynna plötur sínar með margra mánaða fyrirvara - sem svo yfirleitt dragast enn lengur...

En ég er farinn að missa svefn út af þessari plötu. Dreymdi í nótt að af einhverjum ástæðum væri ég kominn með lög af nýju plötunni í tölvuna mína. Draumurinn fór aðallega í að reyna útskýra hvernig ég fékk þau (man ekki ástæðuna samt) en jafnframt hafði ég lofað (bandinu? ég man það ekki) að spila þau ekki! Mátti vera með þau í tölvunni en ekki spila þau. Þannig að vinirnir voru ógeðslega fúlir út í mig - eins og ég væri vondi gæinn! Fucked up, ég veit. ... svo vaknaði ég og átti erfitt með að sofna aftur... hugsandi um hvernig þessi plata eigi nú eftir að hljóma...

Þeir eru fáir sem ná að peppa upp eftirvæntingunni hjá manni eins og krúsíndúllurnar í Radiohead.

Kim Kim Kim...

2011-02-08T14:42:00.000Z

... ef Prince biður þig um að dansa... þá dansarðu!

3D

2011-02-05T14:53:00.003Z

Fór í fyrsta sinn á 3D mynd í bíó í gær. Finnst ég reyndar algjör hræsnari að vera ekki búinn að fara fyrr þar sem ég er eiginlega svarinn tækja og tæknidellukarl af öllum í kringum mig (óþarfi að taka það fram að mér finnst áhuginn bara eðlilega mikill).

Mér fannst þetta þrívíddardæmi flott. Fórum á Sanctum en mig grunar að það séu til flottari myndir í þrívídd en hún. Mikil hella/köfunarmynd og því mjög dökk yfirlitum. Get ímyndað mér að Avatar hafi t.d. verið mjög flott. Tóti segir að hátindurinn í bíóferðinni hafi verið þegar sorglegasta atriðið í myndinni hafi verið í gangi og hann leit á mig og Kristján og fór að hlægja því honum fannst við líta út eins og The Blues Brothers - sitjandi þarna með gleraugun.

Af einskærri forvitni, og nú mega þeir hlægja sem vita betur en við, ákváðum við að ná í þrívíddarbút úr mynd á netinu og athuga hvort gleraugun sem við fengum í bíóinu virkuðu. Heldur betur ekki - sást enginn munur. Þannig að hér með er lýst eftir einhverjum sem þekkir þrívíddartæknina og getur svarað af hverju 140 kr. gleraugu virka í bíó og hvers vegna menn þurfa að kaupa sér 18 þúsund króna gleraugu OG 500 þús. kr. 3D sjónvarp til að fá þetta til að virka heima hjá sér.

Bráðum verða 3D sjónvörp komin á sæmilegt verðlag og innan 10 ára á öll heimili. Man fyrst þegar það var talað um að sjónvörpin kostuðu 8-900 þúsund. Nú er hægt að fá þau á 429 þús í Sjónvarpsmiðstöðinni. En ég man líka þegar DVD spilarar kostuðu 50-60 þús og enn styttra er síðan að Blue Ray spilarar kostuðu amk. 80 þús. kall (kosta um 20 þús í dag). Eigum við ekki að segja að draumurinn sé að næsta sjónvarp verði LED sjónvarpstæki sem styður þrívíddartæknina - þegar það er komið á eðlilegt verðlag!

Update (24. feb.)
Fann umræðu á netinu um að maður þyrfti ekki dýrt 3D sjónvarp né dýr gleraugu til að geta horft á myndir af netinu í 3D í tölvunni/venjulegu sjónvarpi ef maður er maður með svona rauð/blá gleraugu. Nú er bara að sannreyna þetta!

Menningarfréttir

2011-01-29T14:25:00.001Z

Hallgrímur Helga er að berjast fyrir því að menningarfréttir verði jafn fyrirferðamiklar og íþróttir í sjónvarpsfréttum. Skil það bara mjög vel. Ef maður skoðar blöðin þá eru álíka margar síður um íþróttir og menningu. Af hverju ekki í sjónvarpsfréttunum líka? Finnst í raun bara kjánalegt að blöðin geri sér grein fyrir að fólki langar að lesa sér til um menningarfréttir en sjónvarpsstöðvarnar séu ekki búnar að átta sig.

Get ímyndað mér að þetta virki líka kúl:

"Fréttayfirlit menningarfrétta kvöldsins: Í dag skrifaði Mugison undir 5 ára plötusamning í Kína. Hann fær hálfa krónu fyrir hverja selda plötu. Málverk seldist í dag á Kjarvalsstöðum fyrir tvær og hálfa milljón. Kaupandinn vildi ekki láta nafn síns getið - frekar en venjulega. Grafískur hönnuður lenti í basli með tölvuna sína í gærkvöldi þegar hann reyndi að skanna inn mynd en hann hafði þó sigur að lokum..."

Nei, án gríns. Það væri kúl ef sjónvarpsstöðvar sæju það í hjarta sér að hafa lið í fréttatímanum um menningu s.s. tónlist, kvikmyndir, myndlist, hönnun, bækur, tölvuleiki o.þ.h. Þeir segja alveg stundum frá stórum sigrum í menningu en það er bara annað slagið. Það er svona eins og ef íþróttafréttirnar myndu bara fjalla um það þegar Íslendingar væru t.d. búnir að keppa á einhverju móti í handbolta í stað þess að segja frá framvindu mála jafnóðum. Það gera þeir ekki þegar kemur að menningarmálum.

John Grant var að koma með nýtt vidjó. Það er í súrari kantinum en flott engu að síður. Lagið er eitt af þeim bestu á plötunni.

JVM II

2011-01-21T13:14:00.000Z

Smá öpdeit af nýjasta meðliminum í heyrnartólunum. Platan 'Early in the morning' hans James Vincent McMorrow sem kemur út 25. janúar er núna komin á netið og hægt á hlusta á hana í heild sinni hér.

Búinn að renna henni nokkrum sinnum. Looooooking goooood man.

James Vincent og Valdimar eru fyrirferðamestir í eyrunum á mér þessa dagana. Í tilefni af því vil ég benda á afar skemmtilegt blögg (blogg/plögg) um plötuna Undraland hjá hljómsveitinni Valdimar.

Tvífarar dagsins

2011-01-20T20:50:00.000Z

Klara er alveg búin að eyðileggja Thom Yorke fyrir mér. Hún benti mér á hversu líkur hann væri Clay Aiken. Hún er þó greinilega ekki fyrst til að átta sig á þessu. Netið er morandi í svona myndum:

JVM

2011-01-19T08:48:00.007Z

Hvað er að frétta? James Vincent McMorrow er að frétta.

Þessi írski söngvari er að góða hluti um þessar mundir. "Bloggheimar loga" er stundum notað. Hann er gott dæmi um tónlist morgundagsins og að fáir séu búnir að uppgötva hann. Það er hvorki hægt að finna plötu með honum á torrent síðum (já, ég játa að dánlóda til að kynna mér músík) né til Wikipedia síða um hann. Þá eru aðeins um 5 þúsund manns búnir að læka Facebook síðuna hans.

Maður er ennþá að reyna setja puttann á hann. Hann er einhvers konar blanda af Bon Iver og hressari náunga allavega. En góður er hann! Og á pottþétt eftir að verða stór.

Skidevejr

2011-01-07T17:00:00.000Z

Úti er skítaveður þessa dagana, svo lítið sé um málið sagt. Rafmagnslaust hér og þar á landinu og maður hreinlega fýkur eins og blaðsnepill í þessu ógeðslega roki. ,,Af hverju viltu búa annars staðar?" spyr fólk svo. Idioterne. Sumrið virkar samt á mig eins og gulrótin sem það er. Ef við fengjum ekki smá breik frá þessu rugli myndi engin mannskepna þrífast hérna.

Sá Klovn-The Movie í bíó í gær. Hélt að þeir gætu ekki gengið fram af mér eftir að hafa horft á alla þættina og lesið um þeir færu yfir strikið í myndinni en þeim tókst það. Fólk talar um að það hafi sokkið margsinnis ofan í sætið sitt. Ég man reyndar ekki eftir að hafa gert það þó það geti verið að ég hafi gert það án þess að taka eftir því. Ég man hins vegar mjög vel eftir að hafa gripið utan um andlitið á mér, galopnað augun (eins og Joey í Friends gerir stundum, sjá hér) og gapað af undrun, ekki einu sinni heldur tvisvar. Sennilega hef ég látið út mér "What?!" án þess þó að muna greinilega eftir því. Það verður allt svo þokukennt í minninu þegar maður hlær mikið (sbr. að maður man ekki neina brandara nema þá sem maður hefur heyrt 10 sinnum amk.) Ég gæfi þúsara fyrir að eiga mynd af svipnum á mér þegar tvö ákveðin atriði fóru á tjaldið í síðari hálfleik. Sjiiiidt.

Lag helgarinnar er viðeigandi þegar litið er út um gluggann:

Tímasóun

2011-01-07T10:10:00.002Z

Út á engi með helvítið og skjóta hann.

Trú blöd

2011-01-05T12:55:00.002Z

Það er alveg ótrúlegt hvað þetta kántri, já ég sagði fokking kántrí!, lag vinnur á mann þegar maður horfir á True Blood. Hreinlega of töff lag!

Gleðilegt ár!! 2011 verður ro-hosalegt. Ég bara finn það á mér.

Upp á hól stend ég og kanna

2011-01-04T17:00:00.000Z

Eftir að hafa eytt nánast öllum desember mánuði í að syngja lagið "Jólasveinar ganga um gólf" með textanum "Upp á stól stendur mín kanna" var okkur foreldrunum bent á að textinn væri í raun "Upp á hól stend ég og kanna". Það þótti meika meiri sens þar sem textinn heldur áfram "níu nóttum fyrir jól kem ég til manna". Þannig að frá því um jólin höfum við nú sungið lagið þannig (upp á hól...).

Svo rakst ég óvart á þetta.

Þar stendur meðal annars: ,,Þessi texti á sér enga forsendu. Auk þess er það hugsanavilla að einhver standi upp á hól og kanni – án þess að tilgreina hvað það sé sem kannað er. Enginn vill nú gangast við að eiga upptökin að þessari útgáfu vísunnar."

Mono

2011-01-02T13:10:00.000Z

Mæli með forritinu Monolingual fyrir Mac-notendur. Apple tölvur koma með uppsettum forritum en sá hængur er á að öll forritin innihalda mörg tungumál - jafnvel Swahili og Afrikaans! - ef maður myndi vilja breyta tungumáli tölvunnar seinna. Eftir að ég renndi þessu forriti í gegn losaði það um 3,6 gb af tungumálaskrám sem eru mér algerlega óþarfar.

Pæling varðandi tekjur tónlistarmanna

2011-01-01T12:00:00.021Z

Allir vita að það hafa verið gríðarleg umskipti í tónlistarbransanum s.l. ár með tilkomu internetsins. Plötufyrirtækin voru eitt sinn aðal uppspretta tekna tónlistarmanna en í dag er plötusala aðeins lítill hluti teknanna. Fólk er að hlaða niður ólöglega (eins og svo oft hefur verið japlað á) en fólk er líka að streyma tónlist löglega, bæði sér að kostnaðarlausu og gegn gjaldi.

Eins og fram kemur í viðtölum við tónlistarmenn þessa dagana taka þeir undir að plötusala er aðeins lítill hluti teknanna. Hljómsveitir treysta meira á innkomu af tónleikahaldi og sölu á varningi s.s. bolum o.fl. Þess vegna hefur til dæmis miðaverð á allar tónlistarhátíðir og tónleika hækkað undanfarin ár (undanskilin er þá hækkun miðaverðs hér á landi sökum klósettferðar íslensku krónunnar). Þannig að það má segja að hinir ólöglegu og löglegu niðurhalarar (hér eftir nefnir niðurhalar sbr. hali) séu í raun bara að hluta til að færa til hvar þeir verja fjármunum sínum úr kaupum á plötum yfir í kaup á tónleika/tónleikahátíðarmiða.

En aftur að netinu. Til er aragrúi síðna sem bjóða upp á streymiþjónustu. Pandora, Spotify, tonlist.is, Grooveshark, Gogoyoko, listen.fm o.s.frv. o.s.frv. Ég nota t.d. Grooveshark mjög mikið en á þeirri síðu getur maður hlustað á nánast hvað sem er (ekki mikið af íslensku efni en þó eitthvað - fann til dæmis Hauk Morthens þarna um daginn) sér að kostnaðarlausu, búið til playlista o.s.frv. Gogoyoko býður einnig upp á að streyma tónlist frítt og ég nýti mér það. Fyrirtæki eins og Grooveshark og Gogoyoko þurfa að greiða STEF-gjöld sem renna til félaga sem sjá um að úthluta peningunum til tónlistarmanna (takið eftir að ég sagði ekki "sem renna til tónlistarmanna"). Báðar þessar síður, eins og fyrr segir, bjóða upp á þjónustuna frítt og treysta því á sölu á auglýsingum á síðum sinni, geri ég ráð fyrir. Svo er það áskriftarleiðin sem ég spái að margar streymiþjónustur munu taka upp fyrr eða síðar. Spotify og tonlist.is eru dæmi um síður þar sem fólk greiðir áskriftargjald og getur hlustað að vild og í kjölfarið keypt sér tónlist. Ég hef ekki prófað Spotify né tonlist.is og geri mér því enga grein fyrir því hvaða hvati er að baki því að greiða fyrir það sem fæst annars staðar ókeypis. En ég held að fyrirtækin sem ekki rukka fyrir streymi sjái sér fljótlega hag í því að láta fólk borga, þó ekki nema lítið gjald sé, fyrir að streyma tónlist.

Það sem ég sá í fyrstu að þessu módeli var að það var enginn hvati fyrir mig að kaupa plötu (alvörunni plötu, geisladisk, sem hægt er að halda á, lesa textana... þið munið eftir þessu) sem ég var búinn að hlusta oft á á netinu. Tek bara sem dæmi Retro Stefson plötuna ásamt nýju Ensími plötunni. Ég var búinn að hlusta svo mikið á plöturnar að þegar ég loks datt inn í plötubúð tók ég upp diskana - sá verðið (tæpur 3 þúsund kall) og hugsaði bara ,,Til hvers?" Ég var búinn að fá það sem ég vildi út úr því sem ég myndi annars fá með því að kaupa plötuna. Ég hugsa stundum hvort maður eigi að styrkja hljómsveit en þar sem ég veit að plötubúðin og plötufyrirtækið fá bróðurpartinn af peninginum er ég fljótur að hverfa frá þeirri hugsun. Ég efast líka um að fólk sem kaupi sér málverk geri það til að styrkja listamanninn - nei það kaupir sér málverk vegna þess að það vila eiga flippin' málverkið. Ég hlusta auk þess mikið á tónlist, kannski örlítið meira en hinn meðal maður, og færi því fljótt á hausinn ef ég keypti alla tónlist sem ég hlustaði á, á þrjúskall stykkið.

Það var svo fyrir stuttu sem ég áttaði mig á því að það eru kannski ekki allir í sömu sporum og ég. Ég vinn allan daginn fyrir framan tölvuna og heima á kvöldin er fartölvan oftast skammt undan. Til að geta tekið plöturnar ,,on the road", þ.e.a.s. setja á iPod eða brenna á disk þyrfti ég að greiða fyrir niðurhal á henni. Ég áttaði mig b.t.w. á þessu þegar Alexander, þá rúmlega eins árs, tók lagið ,,Blómin í brekkunni" í gríðarlegt ástfóstur og ég vildi geta spilað það fyrir hann í bílferðum til og frá Keflavík þegar hann yrði leiður á bílferðinni. Ég keypti mér inneign á Gogoyoko og verslaði lagið. Ein evra ef ég man rétt. Þetta var mitt fyrsta og eina fjárframlag til streymiþjónustu á netinu. Almennt séð þarf ég ekki að kaupa plötur þar sem ég er í þeirri aðstöðu að geta hlustað á þær allan daginn án þess að greiða krónu eða cent. Þetta á væntanlega við stóran hóp fólks sem er í skrifstofustörfum, skóla o.s.frv. Uppgötvunin leiddi þá í ljós að þessar streymiþjónustur hljóta að treysta á alla hina - sem ekki eru í þessum sporum. Fólk sem kaupir lög til að hafa í ræktinni, bílnum, á ferðalögum, í vinnunni o.s.frv. Svo er náttúrulega hægt að nálgast tónlistina með ólögmætum hætti á torrent-síðum o.þ.h. en ég ætla ekki að kafa í það núna.

Ég held því að framtíðin verði sú að tónlistarmenn munu fá auknar tekjur af streymiþjónustum í framtíðinni þegar öll fyrirtækin fara rukka áskriftargjöld. Þá geta fyrirtækin sem standa að baki þjónustunni dafnað betur ásamt því að borga tónlistarmönnunum meira fyrir streymið. Þá munu tónlistarmenn halda áfram að fá tekjur af seldri tónlist sem niðurhalar greiða fyrir. Við, tónlistaraðdáendurnar, munum fá fleiri tækifæri til að sjá uppáhaldshljómsveitina okkar koma fram á tónleikum því hljómsveitir munu halda áfram að treysta á innkomu af tónleikahaldi að stórum hluta til. Þetta er svolítið tvíeggja sverð þegar það kemur að því að bera saman grasrótarhljómsveitir við stóru leikmennina eða jafnvel þá sem eru að stíga sín fyrstu skref eftir harkið. Harkið sem felst í því að vera að byrja í bransanum er gríðarlegt þar sem lítil sem engin plötusala er, sennilega engin innkoma af tónleikahaldi og sölu á varningi þegar borið er saman við hljómsveitir sem eru komnar aðeins, bara aðeins, lengra. Það er hér með opinberað að Hróarskelduhátíðin borgar hljómsveitum, t.d. allra minnstu eða óþekktustu hljómsveitunum, sem spila á hátíðinni að lágmarki 7500 evrur (um 1,1 m.kr. þegar þetta er skrifað). Þessi upphæð er víst algeng á meðal evrópskra tónleikahátíða. Hljómsveitir sem spila á hátíðinni eru venjulega á tónleikaferð og spila á fleiri en einni og fleiri en tveimur hátíðum. Það sem ég er að reyna að segja er að það þarf að selja nokkuð margar plötur til að fá 1,1 milljón í kassann. Auðvitað fer stór hluti teknanna í kostnaðarliði s.s. ferðalög og hótel en engu að síður eru miklu meiri peningar í tónleikahaldi heldur en plötusölu nokkurn tímann. Það eru kannski engar fréttir að tónleikahald telur drjúgt í tekjum tónlistarmanna en ég held að hljómsveitir spili oftar, fari á lengri túra o.s.frv. til að vega upp á móti minnkandi tekjum í plötusölu. Þeir geta ekki endalaust rukkað bara hærra gjald fyrir að koma fram. Ég held til dæmis ef miðinn á Hróarskeldu yrði mikið dýrari (í dönskum krónum) myndi hátíðin ekki ná að selja þá 75 þúsund miða sem eru í boði.

En þetta er bara pæling. Um að gera að pæla aðeins. Er það ekki?

Áramótapistill

2010-12-31T10:30:00.003Z

6. færsla ársins! Búinn að jafna síðasta ár í fjölda færslna. Ekki amalegt. Lofa samt að tjá mig oftar 2011 (áramótaheit?)

Svona lítur árið 2010 út í baksýnisspeglinum (í mjög grófum dráttum):

Vann hjá Bílaleigu Akureyrar
Kláraði og skilaði MS-ritgerðinni (jan.)
Alexander verður 1. árs (feb.)
Útskrifast - MSc í markaðsfræðum og alþjóðaviðskiptum (feb.)
Fékk tilboð um að taka þátt í tveimur stórum verkefnum sem tengdust náminu (mars)
Gerist verktaki meðfram vinnunni hjá B.A.
Fór í 7 klst fjallgöngu til að berja eldgos á Fimmvörðuhálsi augum (apríl)
Tók 5 vikna sumarfríi hjá B.A. (apríl og maí) til að framkvæma árangursmat á styrkveitingum Kraums tónlistarsjóðs og Hönnunarsjóðs Auroru (apríl)
Hætti hjá B.A. (jún) eftir að hafa unnið þar frá árinu 2002 meðfram skóla og ferðalögunum. Vann samtals 8 sumur (2010 hefði verið nr. 9!)
Seldi Svörtu Þrumuna - var búinn að eiga hana í 9 ár!
"Árleg" sumarbústaðaferð með börnin í vinahópnum
Hróarskelda '10 (nr. 11 hjá mér) Hitti Frank Hvam og Jack Johnson. Sá Gorillaz, The National, Prince og fleiri snillinga.
Fór á Þjóðlagahátíðina á Siglufirði fyrir hönd ÚTÓN

Var aðalrannsakandi í kortlagningu á skapandi greinum (sumar og haust 2010)

Spila í fyrsta sinn á tónleikum í tæp 4 ár með Örvari Sig og Begga (kölluðum okkur Dustbusters og spiluðum tökulög með N. Cave, Arcade Fire og Violent Femmes)

Fæ tímabundna ráðningu hjá ÚTÓN út árið 2010 (okt, nóv og des) - hætti sem verktaki og fór á launaskrá

Iceland Airwaves (+ könnun um veltu erlendra gesta á Airwaves)

Kynningar- og blaðamannafundur á tölulegum niðurstöðum kortlagningar á skapandi greinum fyrir fullu húsi í Bíó Paradís

Fæ áframhaldandi starf hjá ÚTÓN, í óákveðinn tíma.

Búið að vera skemmtilegt og viðburðarríkt ár. Þurfti að taka áhættu með því að hætta hjá B.A. þar sem ég var með fasta vinnu og þurfti að treysta á að fleiri verkefni myndu drífa á mína vegu. Sem betur fer rættist það því ég held að ég kunni ekki að hafa ekkert fyrir stafni. Ég þurfti að sleppa takinu á því starfi til að geta tekið þátt í þeim verkefnum sem ég gerði og til að eitthvað meira myndi gerast. Það var alltaf draumurinn að fá að vinna við eða í kringum tónlist og ég skammast mín lítið fyrir að játa að sá draumur hefur ræst. Tala nú ekki um að fá borgað fyrir það eftir að hafa verið sjálfboðaliði í 11 ár fyrir Hróarskelduhátíðina. Auðvitað var það alltaf draumurinn þegar ég var yngri (barn og unglingur!) að lifibrauðið yrði af spilamennsku en eins og ég hef oft sagt þá fannst mér það stutta hljómsveitalíf sem ég átti of mikið vesen.

Enda árið á textabroti úr lagi sem titill bloggsins er byggður á:

Into this house we're born
Into this world we're thrown
Like a dog without a bone
An actor out alone
Riders on the storm

Ég óska þér gleðilegs árs og þakka árið sem er að líða! :)

Nr. 11?

2010-12-30T11:36:00.000Z

Þessi plata rétt komst ekki á topp 10 listann. En fjandinn hafi það hvað þessir tittir eru með þetta!

Jónsi *****

2010-12-29T23:27:00.000Z

Jónsi fær fullt hús stiga frá mér fyrir sjóið í kvöld. Geggggjaðir tónleikar! Ekki á hverjum tónleikum sem ég fæ margsinnis gæsahúð. Jónsi hefði þó átt að íhuga að fá sér hæfileikaminni trommuleikara þar sem hann stal ALLRI athygli í þeim lögum sem hann spilaði. Hvílíkur trymbill !!

Takið eftir disknum á sneriltrommunni! Hljóðið sem gerir lagið.

The Antlers

2010-12-21T11:43:00.000Z

Talandi um hljómsveitir sem maður missti af á Airwaves. The Antlers er bandarísk hljómsveit sem var að spila á laugardagskvöldinu þegar "allt" virtist vera í gangi og margir þorðu ekki út úr Listasafninu í ótta við biðröðina að komast aftur inn.

Á meðan Bombay Bicyble Club og Robyn voru að spila í Listasafninu spilaði The Antlers hinum megin við götuna á Sódóma. Maður hefði hugsanlega átt að vera þar. Diskurinn Hospice frá 2009 er geggjaður.

Hérna er lagið Kettering sem er gríðargott.

Topp 10 plöturnar árið 2010

2010-12-18T14:42:00.011Z

Það er alveg kominn tími á færslu hérna. Tilefnið - jú árinu 2010 að ljúka og kominn tími til að fara yfir hvaða plötum maður hefur nauðgað á árinu eða öllu heldur hvaða plötur hafa staðið upp úr þeirri geigvænlegu flóru sem dunið hefur á manni á árinu.

Eftirfarandi er listi yfir 10 bestu plöturnar á árinu að mínu mati í engri sérstakri röð. Árið hefur greinilega verið gott eins og sjá má á listanum. Það var skrítið að einskorða sig við tíu plötur. Pældi líka í topp 5 og topp 15 en 10 er góð tala.

Retro Stefson - Kimbabwe

Þessi plata er svo góð að það er alveg fáranlegt. Ég get ekki hætt að hugsa um hversu ung þau eru og hversu hæfileik rík þau eru sem tónlistarmenn. Grípandi og frumlegar lagasmíðar ásamt þessum þétta hljóðfæraleik kom þessari plötu með litlum erfiðleikum á topp 10.

The National - High Violet

Ég sá The National á Hróarskeldu 2007 og var eitthvað illa stemmdur enda votur inn að beini og komst varla inn í tjaldið og þurfti því að láta mér nægja að standa fyrir utan í dembunni. Hugurinn var því við eitthvað allt annað en tónleikana. Ég var búinn að hlusta á plötuna þeirra Boxer út í eitt og var mjög hrifinn. Svo kom þessi plata. Fyrsta lagið Terrible Love náði mér algjörlega og eftir það var búið að selja mér plötuna. Við nánari hlustun varð platan bara betri og betri og endar hér á topp 10 2010. Tónleikar sveitarinnar á Hróarskeldu í ár voru þeir flottustu á hátíðinni og hreyfðu vægast sagt við mínum innstu taugum. Ég var líka á fullkomnum stað og fékk þetta show þeirra beint í æð. Tónleikarnir lyftu hljómsveitinni og plötunni á eitthvað æðra stig sem verður ekki farið nánar út í hér. Geggjuð plata.

John Grant - Queen of Denmark

Ég er búinn að hlusta mjög stutt á þessa plötu en hún á svo sannarlega heima á þessum lista. Sagan af John Grant er lyginni líkust (sjá t.d. hér) og hún gerir plötuna enn betri. Á plötunni spilar hljómsveitin Midlake, sem var fyrir í miklum metum hjá mér, og gera þeir það einstaklega vel. John Grant og Midlake er þessi líka banvæna blanda sem svínvirkar. Hann er svo "straight out" hreinskilinn í textum sínum um að hafa alist upp sem hommi í fylki þar sem það var algert "no no" sbr. t.d. lagatitillinn "Jesus hates faggots". Lögin ótrúlega góð og textarnir hnyttnir og einlægir sbr. "I feel just like Sigourney Weaver when she had to kill those aliens".

Arcade Fire - The Suburbs

Væntingarnar voru í botni áður en þessi kom út enda sveitin búin að gefa út tvö meistarastykki í röð. Alltaf er hræðslan sú sama hjá manni þegar hljómsveitum tekst að gefa út tvær geggjaðar plötur í röð og sú þriðja á leiðinni. Sem betur fer þá var þessi plata engin vonbrigði. Platan er í raun stórgóð þó ég viti ekki alveg hvort hún nái sömu hæðum og Funeral til dæmis. En platan er mjög góð og á verðskuldað heima á listanum yfir topp 10 plötur ársins. Lög eins og Rococo, Empty Room (eitt stef minnir mig á erlent jólalag sem ég get ekki fest fingurinn á!), We used to Wait að ógleymdum Sprawl lögunum tveimur. Sprawl II er þó líklega það flottasta á plötunni. Þessi plata setur bros á hvaða andlit sem er og gæsahúð á hvaða tilfinningadauða gamlingja sem er. Áfram Kanada, segi ég nú bara. Ég vil fá ykkur hjónakornin og crew-ið ykkar á Hróarskeldu á næsta ári!

Beach House – Teen Dream

Þessi hljómsveit á "vinnuplötu" ársins hjá mér. Hún gerði mér kleift að vinna og hlusta á góða tónlist samtímis án þess að hafa áhrif hvort á annað. Þetta ameríska dúó er með þetta. Lögin Norway og Zebra eru í miklu uppáhaldi.

Tindersticks – Falling Down a Mountain

Ó elsku Tindersticks. I love you so. Svo eruð þið frá Nottingham - meistarar! Frábær plata.

Local Natives – Gorilla Manor

Þessi hljómsveit var uppgötvun ársins hjá mér á Hróarskeldu. Rétt náði að hlusta pínu á plötuna áður en ég fór út og var líka svona svaðalega heillaður. Þessari hljómsveit er best lýst þannig að hljómsveitina skipa fimm stk. "Siggi í Hjálmum" sem geta spilað á öll hljóðfæri (og skipt í miðjum lögum!) og raddað eins og enginn sé morgundagurinn (yfirleitt syngja amk. þrír í einu). Ótrúlega góð plata með hæfileikaríkum tónlistarmönnum frá Kaliforníu. Sjá vidjóið!

Timber Timbre – Timber Timbre
Ég hlakkaði mest til að sjá þennan tónlistarmann á Airwaves í ár. Það hitti þó ekki betur á en svo að tónleikarnir hans voru á þeim tíma sem "stærstu" nöfnin voru að spila í Listasafninu þar sem vinahópurinn var. Ég náði honum þó á mjög intimate off-venue tónleikum. Þeir tónleikar voru kannski ekki upp á sitt besta - hljóðið slappt o.s.frv. en þessi plata á allt hrós skilið. Ótrúlega sérstök rödd sem ég heillaðist af frá fyrstu hlustun. Lagið Demon Host er svaðalegt. Kanada aftur á ferðinni hér.

Valdimar – Undraland

Valdimar og félagar í hljómsveitinni Valdimar gáfu út plötuna Undraland fyrir skömmu. Platan er engin vonbrigði. Var einmitt með miklar væntingar þar sem ég hafði séð þá nokkrum sinnum á tónleikum en platan gefur ekkert eftir. Það hefur komið fram í öllum viðtölum að þeir séu allir lærðir tónlistarmenn og það skilar sér alveg við hlustunina. Ég efast þó um að hljómsveitir eiga að hafa það sem útgangspunkt í öllum viðtölum en sem betur fer er platan svo góð að það fer ekkert á milli mála að um lærða og hæfileikaríka tónlistarmenn er að ræða. Gaman að sjá Keflavíkina með afrakstur af þessum kalíberi! Enda ekki mikið að gerast í indí málunum þar á bæ undanfarin ár að undanskildu reggíinu. En platan Undraland með Valdimar með Valdimar innanborðs er ótrúlega flott og einlæg. Áfram Valdimar.

Jónsi – Go

Ég tók þessari plötu, hvernig er best að orða það?, ekki beint þegjandi og hljóðalaust. Hafði mínar efasemdir til að byrja með. Fyrstu hlustanir voru ekki alveg að ná mér en svo kom þetta. Það eru líka yfirleitt bestu plöturnar - sem þurfa nokkuð mörg rennsli. Verst bara að maður gefi þá ekki öllum plötum svona langa sénsa - þá væri topp 10 kannski örlítið lengri á hverju ári. Platan Go er ótrúlega flott enda er maðurinn búinn að handvelja þá allra hæfileikaríkustu tónlistarmenn sem hann gat fundið til að spila með sér á plötunni. Hlakka mikið til að sjá hann á tónleikunum 29. des.

That's all folks. Þegar maður lítur yfir þetta þá hefði maður ekki geta beðið um meira tónlistarlega séð á árinu. Það skal þó tekið fram að það voru nokkrar plötur sem voru nálægt því að komast á listann en duttu út af margvíslegum ástæðum. Best að nefna engin nöfn! Hlakka bara til að sjá hvað árið 2011 ber í skauti sér.

2010-03-11T21:23:00.001Z

Þetta blogg er komið á 8. ár - hvorki meira né minna! 7 ára gamalt en þá bjó ég til bloggið í þeim tilgangi að notfæra mér það til að skrifa fréttir heim úr Interrail- og Taílandsferð míns, Björns og Sigrúnar.

Útlit þess hefur haldist algerlega óbreytt frá stofnun þess og... spurt er... er kominn tími á nýtt útlit bloggsins?

2009-12-15T20:54:00.000Z

Konan sem kom fram í Fréttaauka Ríkissjónvarpsins hefur átt hug minn síðan á sunnudaginn. (Sjá hér ef þú misstir af því.) Ég ætla ekki að rekja söguna hennar þar sem hún og sagan hennar hafa verið heit umræðuefni á kaffistofum landsins. Kona, 34 ára, skuldar semsagt núna 90 milljónir af 38 milljóna króna láni sem hún tók fyrir 5 árum síðan. Við reiknuðum það út gróflega í vinnunni að afborgunin hlyti að vera í kringum 500-600 þús að minnsta kosti. Sem er hrikaleg tala. Nú fer húsið hennar á nauðungarsölu í mars og hún missir húsið. Það sem mér fannst hins vegar vanta í fréttina var hvers konar starfi hún gegndi þegar hún ákvað að taka 38 milljón króna lán. Það kom aldrei fram. Spakir menn hafa þó sagt að ef hún hafi verið í ágætis starfi þá hafi afborgun af 34 milljóna króna erlendu láni ekkert verið mikið tiltökumál fyrir hana á sínum tíma. Svo náttúrulega hittir skíturinn akkúrat á viftuna og hún búin að láta fresta endalaust afborgunum sem hún mun aldrei ráða við.

Nú á að setja húsið á uppboð á næstunni. Bankinn gerir það og afskrifar hana sem greiðanda af láninu. Bankinn mun svo fá einhverja upphæð, segjum 35-55 milljónir fyrir eignina. Tapar semsagt skítnóg af peningum á þessu. Það sem ég skil ekki - og það væri vel þegið ef einhver gæti útskýrt það fyrir mér - er hvers vegna er ekki bara samið um lánið upp á nýtt fyrir hana í stað þess að henda henni á götuna og setja húsið á uppboð þar sem einhver annar eignast húsið kannski. Ekki það að við fengum lítið að vita t.d. hvort hún væri nú atvinnulaus eða hvað... en mér finnst þetta allavega fáranlegt. Bankinn mun hvort eð er tapa fullt af milljónum á þessu. Nú þegar bankarnir eru ekki lengur allir ríkisreknir er þessi möguleiki víst úr sögunni. Nú eru erlendir aðilar sem eiga hluti í bönkunum og því er þetta víst eina leiðin sem til er í stöðunni. Nú nema náttúrulega að ríkisstjórninn taki þumalinn úr rassagatinu á sér og geri eitthvað af viti fyrir þessar 500 fjölskyldur eða hvað það er sem eru að fara á götuna í mars nk.!!!

2009-12-10T17:36:00.004Z

Ég hitti fólk fyrr í vikunni sem var nýkomið frá Las Vegas. Þau voru þar á ráðstefnu með öðrum Bandaríkjamönnum og þau sögðu alla sem þau ræddu við ekki hafa vitað neitt um Ísland - nema að þar væri McDonalds ekki lengur. Þá vakti sú frétt svo mikla athygli að þetta var það EINA sem þau vissu um landið.

Kannski er það orðið svona viðmið um á hvaða palli við erum á meðal þjóða. Ég fann lista á Wikipedia yfir lönd sem eru ekki með McDonalds. Þar eru flest lönd í Afríku sem ekki hafa McD's. Af 47 Evrópulöndum eru hins vegar aðeins sex þeirra án Ronalds - og öll eru þau álíka fátæk og við (að undanskildu Vatíkaninu): Albanía, Armenía, Bosnía og Herzegóvína, Norður Kýpur, Ísland og Vatican City. (Sjá lista yfir lönd með McDonalds og án McD's).

Þess má til gamans geta að McD's er í 119 löndum í heiminum með rúmlega 63 ÞÚSUND ÚTIBÚ og ekki eitt þeirra er á Íslandi!!

2009-12-08T22:43:00.003Z

Fékk mér skinkusalat í vinnunni í gær til heiðurs Klovn. Einn allra eftirminnilegasti þátturinn að mínu mati - og þeir koma svo sannarlega margir til greina - síðasti þátturinn í 1. seríu sem fjallar um hið fræga skinkusalat sem Frank, hinn elskulegi, grefur í stað móður sinnar. "Jeg har gravet en skinkesalat" sagði Frank þegar vinirnir ætluðu að fara gæða sér á skinkusalatinu. Svo má ekki gleyma "grafaranum" eða stripparanum... sem hét Spanky. "Hvem er det?" spyr Mia þegar hún rekst á Frank keyrandi um með stripparann í bílnum. "Det er graveren. Hun heder Spanky" svarar Frank. "Heder graveren Spanky?" Best í heimi.

Annars eyddi ég deginum á námskeiði hjá Útflutningsráði fyrir hönd bílaleigunnar en það fór fram á Hótel Sögu í þetta skiptið. Það væri ekki í frásögur færandi ef við hefðum ekki fengið að "gæða" okkur á hádegishlaðborðinu. Hvílíkur ógeðisbjóður. Purusteikin og lambið sem var í boði var svo ógeðslega salt að ég var nálægt því að kúgast - þannig að ég hætti fljótlega að borða svo það kæmi ekki allt upp úr mér á aðra nærstadda. Svo var bara allt meðlæti eitthvað svo B-legt. Ég myndi ekki gefa hundi þennan mat. Við vorum mörg sammála en vorum svo skömmuð í lok dagsins í "lokaorðunum" fyrir að dissa matinn og sagt að skammast okkar. Pfff..... ekki er ég neinn gikkur og hef látið ýmislegt ofan í mig með bestu lyst í ferðunum mínum en þetta var engum manni bjóðandi og hinir þorðu pottþétt bara ekki að láta það eftir sér.

2009-12-07T21:13:00.003Z

Svarið er að byrja blogga - ekki spurning. Einhver sagði að þess þyrfti ekki lengur - Facebook væri nú miðillinn...

Facebook er staður til að tjá sig fyrir vinum og vandamönnum en það mun samt aldrei koma í stað bloggsins þar sem hægt er að tjá sig á lengra og ítarlegra máli. Facebook er gott til síns brúks, ekki misskilja mig, en óendanlegir stuttir status updeits munu ekki koma í stað bloggsins. Svo er það spurningin hvort maður vilji að allir vinir sínir, kunningjar, vinnufélagar (og yfirmenn), og allir þeir sem maður fór í skóla með séu að lesa um hugsanir manns. Á bloggið mæta þeir bara sem vita af því og vilja koma. Á FB er öllu svo þröngvað upp á alla - nema náttúrulega maður blokki þá - sem ég hef alveg gert - sumir eru bara of mikið að taka of mikið þátt í ónáttúrulega leiðinlegum og tilgangslausum prófum og annarri vitleysu sem fyrirfinnst þarna.

Ef maður horfir á dagsetningarnar á milli bloggsins í dag og síðasta bloggsins sem var í janúar stingur það strax í augun að einn merkasti áfangi lífsins hefur drifið á mína vegu þarna á milli. Alexander Elvar fæddist 6. febrúar síðast liðinn. Það er satt sem þeir segja - hugarfarið breytist þegar maður er orðinn pabbi. Allt í einu snýst lífið ekki lengur um mann sjálfan heldur aðra manneskju og ég fílaða. Auðvitað koma tímar sem maður hótar honum í gríni að hann eignist aldrei systkini ef þau láta eins og hann en í 99% tilfella er hann yndislegur - en það hefur aldrei verið regla á svefninum hans og það er þess vegna sem hann hefur fengið hótunarbréf um að systkini séu hæpinn möguleiki. Þetta er sennilega eitt það merkilegasta sem ég hef upplifað - að eignast afkvæmi. Sérstaklega þar sem, eins og flest allir vita, þá hef ég aldrei verið fyrir börn. Eins og ég hef alltaf sagt hef ég verið að spara ástina fyrir mín eigin börn. Og það held ég að hafi sannast. En að sjá hvernig hann lærir dag frá degi hina ýmsu hluti er merkileg upplifun ein og sér. En nóg um það - sennilega væri hægt að skrifa mikið um Alexander Elvar og hann mun örugglega hafa áhrif á það sem hingað verður skrifað í framtíðinni.

Hér er mynd af prakkaranum - sem fæddist á afmælisdegi Bob Marley:

2009-12-07T18:34:00.003Z

Spurning um að byrja blogga aftur í tilefni þess að maður hefur nú loksins tíma til þess?

Var að benda einni áhugasamri um heimreisur á bloggið og fletti hér neðst á síðuna og fékk litlu nostalgíuna. Vinir mínir fá örugglega nettann flassbakkara á því að lesa fyrstu 8-10 færslurnar á blogginu sem eru að finna hér neðst á síðunni... talandi um Nick Cave tónleikana á Broadway, tónleikana hjá Rými á Gauknum ásamt Bjartmari Guðlaugs og Rúnna Júll þegar 3 áhorfendur mættu, pælingar um Guð, Big Bang og tilveru okkar almennt o.s.frv. Mjög fyndið að lesa þetta svona 7 árum seinna!!!

2009-01-27T21:21:00.002Z

Einhvern tímann sá ég þetta vidjó á netinu og fann það aldrei aftur þegar ég ætlaði að sýna einhverjum það. Nú loksins rakst ég á það aftur... þetta er alveg frábært. Gamli kallinn fær mig alltaf til að brosa. Ekki að öll hin atriðin séu eitthvað ómerkilegri en gamli standur upp úr fyrir mér svona hvað varðar fyndni og auðvitað gæinn sem stígur út úr bílnum sínum og splaff...

2008-11-30T22:41:00.003Z

Í tilefni af því að við Gunni vorum að rifja upp Radiohead tónleikana á Roskilde hef ég ákveðið að setja inn setlistann sem ég fann á netinu. Lagavalið hjá þeim var með ólíkindum. Ég sá þá fyrst í London '06 og saknaði þar þriggja laga sem þeir spiluðu ekki en spiluðu svo á Roskilde í sumar en það voru Exit Music, Street Spirit og Paranoid Android. Gaman að minnast á það að þegar ég var að leita að þessum lista stóð á einum stað að þeir hefðu spilað 24 lög á Roskilde sem var mjög mikið miðað við aðrar hátíðir þetta sumar þar sem þeir tóku aðeins um 20 lög. Skemmtilegt það, enda geeeheeeððveikir tónleikar :)

01 15 Step
02 Airbag
03 There There
04 All I Need
05 Nude
06 Pyramid Song
07 The Gloaming
08 Arpeggi
09 The National Anthem
10 Faust Arp
11 Exit Music
12 Jigsaw Falling Into Place
13 My Iron Lung
14 Reckoner
15 Everything In Its Right Place
16 Street Spirit
17 Bodysnatchers

Encore 1:
18 Videotape
19 Paranoid Android
20 Dollars And Cents
21 Idioteque

Encore 2:
22 You And Whose Army
23 2+2=5
24 Karma Police

2008-11-06T23:42:00.002Z

Kreppuráð #8
Að snúa nærbuxunum við þegar þær eru orðnar skítugar. Þetta sparar hvort tveggja þvottaefni og rafmagn sjáið til. Seinast þegar ég keypti Ariel dúnk kostaði hann um 2500 kr (var í kringum túkallinn) en rafmagn hér á landi er reyndar eitt það ódýrasta í heiminum. Þetta gæti verið vandræðalegt fyrir þann sem er að fara í sund og er fara úr buxunum fyrir framan hina í klefanum, með bremsufar og pissublettina utan á nörrunum, en þá getur maður bara sagt við þá sem hneykslaðir eru: "Hvað?! Það er kreppa!"

Kreppuráð #9
Þegar þú ferð út að borða með vini eða vinkonu þá er tvennt til taks í kreppunni. Í fyrsta lagi væri hægt að gleyma veskinu heima og í öðru lagi er að nota tóma debetkortið þannig að vinur þinn neyðist til að "lána" þér. Trúið mér, ég hef séð þetta "in action", jafnvel þegar ekki er kreppa, og þetta svínvirkar hjá fólki. Þá hjálpar það víst að setja upp aulalegt bros um leið og afsökun er framreidd; "Ah, ég er ekki með veskið á mér" + aulabros. Works like a swine.

2008-11-05T10:32:00.000Z

Kreppuráð #6
Notum heimasímana til að hringja og það í aðra heimasíma. Hjá Símanum t.d. kostar mínútuverðið í heimasíma 2 kr en ca. 20 kr að meðaltali í GSM (fer eftir hjá hvaða kerfi). Þetta þýðir að munurinn á 10 mínútna símtali er 20 kr. eða 200 kr. Það telur! Sérstaklega hjá þeim sem eru með háa símreikninga. Heimasíminn minn er 587 2617 ;)

Kreppuráð #7
Fáðu svartar sokkabuxur lánaðar hjá mömmu þinni eða kærustu (segðu bara að þig hafi lengi langað að prófa svona). Troddu hausnum í annan legginn og legðu í hann í skjóli nætur og hlauptu á milli garða og steldu fötum af þvottasnúrum. Föt eru orðin mjög dýr en svona verslunarferð er bæði skemmtileg, spennandi og ókeypis, allt í senn. Auk þess er þetta fín hreyfing.

2008-11-04T09:50:00.000Z

Hvort ætli meðalþyngd Íslendinga fari upp á við eða niður á við í kreppunni? Margir telja að þjóðin léttist þar sem þeir borða minna og sjaldnar. Aðrir halda því fram að hún eigi eftir að þyngjast þar sem við kaupum ódýrari og gæðaminni mat auk þess sem við höfum ekki efni á að því að vera "holl" en eins og allir vita er það ekki ódýrt sport.

Kreppuráð #5
Farðu á klósettið hjá vinum og vandamönnum og skíttu þar frekar en heima hjá þér. Klósettpappír kostar! Slærð líka tvær flugur í einu höggi; heimsókn og að bakka einum út.

2008-11-03T13:11:00.001Z

Kreppuráð #3
Þegar það er búið að snjóa nóg rifjaðu upp hvernig á að "teika". Þannig geturðu auðveldlega sparað fúlgu í bensíni auk þess sem þetta er heljarinnar mikið stuð.

Kreppuráð #4
Svona í alvöru samt, réttur loftþrýstingur í dekkjum á bílum hefur gífurlega mikil áhrif á eyðsluna (hér kemur bílaleigureynslan sér vel). Það er hægt að fá mæli á bensínstöðvum og gera þetta sjálfur, mjög ísí... það stendur inn á bílstjórahurðinni hvað á að vera mikill þrýstingur. Fyrir utan að spara bensín þá sparar þetta líka dekkin!

2008-11-02T17:30:00.001Z

Eitt sinn voru góð ráð dýr en ekki lengur. Ég ætla þá og þegar að koma með kreppuráð sem ég hef heyrt í umræðunni undanfarið í kjölfar þess að nú horfa allir á eftir hverjum þúsundkallinum með tárin í augunum og verk í rassgatinu. Tilefnið er jú að ég hef ekki lagt í að tala um kreppuna hér þar sem öll önnur umræða nægir hverjum manni. Þetta er mitt innlegg í þá aðstoð sem við eigum öll að vera veita hvort öðru nú þegar "times, they are a changing" eins og Bob Dylan orðaði það.

Kreppuráð #1
Ef kaupa þarf tölvuíhluti s.s. harðan disk, innra minni o.þ.h. þá er vaktin.is frábær lausn til að finna hvar er hægt að kaupa hlutinn sem vantar ódýrast. Þetta er snilld því í raun skiptir engu máli hvar þú kaupir tölvuíhluti t.d. með harða diska.. hver einasta tölvubúð á landinu seldur Western Digital harða diska en bara á mismunandi verðum. Ég þakka þessari síðu fyrir að ég versla oft við Att.is og Tölvuvirkni því oftar en ekki munar oftast um 5 þúsund kalli á sömu vörunum hjá þeim og svo Tölvulistanum sem er bara dýr búlla í mínum augum eftir að mér var bent á vaktina.is.

Kreppuráð #2
Þetta ráð er af svipuðum toga og það fyrsta en til er heimasíða sem er reglulega uppfærð sem sýnir hvar ódýrast sé að versla hina ýmsu hluti. Vaktin.is er fyrir tölvuíhluti (t.d. þegar harði diskurinn í flakkaranum hrynur) en þessi síða er eiginlega algjör snilld því þar er verðsamanburður gerður á t.d. bíóum, vídeóleigum, bílasmurningu, bensíni, dekkjaskiptum, bílatryggingum, líkamsræktarkortum, internetáskriftum, matarkörfum, apótekum o.s.frv. Heimasíðan heitir Nískupúkinn.is. Njótið vel!

2008-10-30T22:49:00.001Z

Já, orðrómarnir sem þið hafið heyrt eru sannir. Sjá hér.

Charles Barkley

2008-10-26T13:45:00.001Z

Ég skora á alla að Youtube-a "Charles Barkley Golf Swing". Hér er sýnishorn en hann sveiflar alltaf svona!

Alveg hrikaleg sveifla og ótrúlegt að maðurinn skuli alltaf hitta kúluna með þessu móti. Maður skyldi ætla að maður sem á sand af seðlum eftir árangursríkan körfuboltaferil myndi hafa efni á golfkennslu. Til samanburðar þá finnst mér Michael Jordan vera með þó nokkuð betri sveiflu en andstæðingur hans í körfubolta til margra ára, enda er árangurinn þannig:

2008-10-19T23:15:00.001Z

Þetta er víst orðið mjög frægt en ég ætla samt að henda þessu fram fyrir þá sem hafa hugsanlega farið á mis við þessa snilld.

Pitchforkmedia.com er mikilsmetinn vefur sem birtir greinar um tónlist og það sem frægara er; tónlistargagnrýni. Vefurinn er virtur og þykja tónlistargagnrýnendur þeirra góðir og segja bara "eins og er". Þeir skrifa auk þess ávallt mjög ítarlega gagnrýni.

Til samanburðar á þessari snilld verður fyrst að skoða þessa gagnrýni plötunnar Third með Portishead (óþarfi er að lesa gagnrýnina, bara sjá hvernig hún lítur út), sem er mest skoðasta gagnrýnin á heimasíðunni um þessar mundir:

Gagnrýni á plötu Portishead.

Og svo loks það sem málið snýst um... snilldin sjálf:

Gagnrýni á plötuna Shine On með Jet frá árinu 2006.

2008-10-18T02:05:00.000Z

Ef skipta ætti virkum hlustendum tónlistar í tvo hópa, þá sem finna tónlist og þá sem láta tónlist finna sig, í hvor hópnum ert þú?

Þeir sem finna tónlist eru þeir sem reyna að finna eitthvað nýtt, skoða heimasíður hjá hljómsveitum - þá aðallega myspace í dag - sem þeir hafa aldrei heyrt í áður, fara í búðir / mæta á tónleika og kanna hljómsveitir sem þeir hafa aldrei heyrt í áður og svo framvegis.

Þeir sem láta tónlist finna sig eru þeir sem velja tónlist út frá því sem spilað er t.d. í útvarpi, eða þess vegna partíum. Líki þeim lögin kanna þeir svo hvaða hljómsveit það er og enda hugsanlega á því að kaupa plötur með þeirri hljómsveit. Þannig að segja má að tónlistin hafi fundið þá - en ekki öfugt.

Ég held að fólki sé flest skipað í þann bás sem hér er síðar nefndur þ.e. þeir láta tónlista finna sig. Miðað við umræðu á nýliðinni tónlistarráðstefnu Iceland Music Export hefur það verið eilífðarmál tónlistariðnaðarins að fá fólk meira til að leita sér að nýrri tónlist í stað þess að láta "mata" sig t.d. með vinsældarlistum og útvarpsvænni músík. Þannig uppgötvar fólk fleiri tónlistarmenn og þar af leiðandi eykst áhugi og sala á fleirum tónlistarmönnum og fleiri mæta á tónleika þeirra en ella.

2008-10-01T00:04:00.000Z

Að vera eða vera ekki - hálfviti.

Það kannast allir við auglýsingarnar um NÚLLIÐ hjá Símanum eftir afar þreytandi auglýsingu þar sem allir tala á ljóshraða í von um að spara sér nokkrar krónur. Allir innan fjölskyldunnar hringja frítt sín á milli og í heimasíma. Þetta á væntanlega að vera gott markaðsbragð til að fá fólk til skipta um símafyrirtæki og fá það til að koma yfir til Símans og til að bæta þjónustu við núverandi kúnna Símans. Aðaltilgangur herferðarinnar ímynda ég mér hafi verið að skapa jákvæðari ímynd af þessu fyrirtæki út á við og telja mannfjöldann á að Síminn væri gott fyrirtæki. Hins vegar kemur í ljós þegar smáa letrið er skoðað að það eru alls kyns skilyrði fyrir því að fólk fái að vera með í NÚLLINU. Fjölskyldan má ekki vera færri en 3, sem þýðir ef hjón (2) hafa verið kúnnar Símans til fjölda ára og eiga uppkomin börn teljast þau ekki sem fjölskylda og fá því ekki að vera í Núllinu. Svo mega þeir einnig ekki vera fleiri en 6 í fjölskyldunni. Sagan segir að símarnir hjá þjónustuveri Símans hafi sviðnað hreinlega af brjáluðum og óánægðum kúnnum sem fengu ekki að vera með í Núllinu og hefur þetta í kjölfarið skapað neikvæða umræðu um Símann og öll þeirra brögð til að vekja athygli á sér. Semsagt hefur markaðsherferðin aldeilis sprungið í andlitið á þeim af umræðunni að dæma. Fólk talar miklu meira um neikvæða hluti sem fyrirtæki gera heldur en þá jákvæðu nokkurn tímann, það vita allir. Slæmar sögur berast auk þess miklu hraðar en þær góður, því miður, en þannig er það bara.

Hefði ekki verið réttara hjá Símanum að taka þetta fram í auglýsingunum í stað þess að eyða tíma og peningum í það að svekkja kúnnana sem hringdu í þá og vildu nýta sér tiboðið og fengu ekki. Og hvað er síminn að kortleggja það sem telst vera fjölskylda? Það er eins og þeir séu að fara eftir sinni eigin, hnitmiðaðri, skilgreiningu á orðinu "fjölskylda". Eins og fjölskyldur geti ekki verið færri en 3 og fleiri en 6?

2008-09-29T22:33:00.000Z

Ég er búinn að vera pæla mikið í hvort fólk elti köllun sína. Þetta kom til vegna hópavinnu sem ég var í upp í skóla og þar vorum við nokkur að ræða námið og þá lét ein ágæt út úr sér "Þið eruð svo heppin að vera eltast við það sem þið viljið. Þetta er bara köllun ykkar ... við hin dinglum bara - og vinnum bara við eitthvað það sem eftir er..."

Það er ótrúlega mikið til í þessu - að margir eiga sér ekki köllun og vinna/læra bara "eitthvað". Sumir hafa köllun, ég veit ekki til þess að ég eigi slíka en maður þekkir þá alveg úr t.d. í viðskiptafræðinni sem eru að eltast við það sem þeim hefur alltaf langað til að vinna við... eða jafnvel þá sem eru á röngum stað; þ.e. þegar maður segir við sjálfan sig "þessi ætti að vera læra eitthvað annað" af útlitinu að dæma.

Það er bara eitthvað við þetta orð - köllun - að eiga sér köllun... en já, það er fyndið að fylgjast með fólki í kringum sig og velta því fyrir sér hvort það sé að eltast við köllun sína eða hvort það "dingli" bara í gegnum lífið...

Lottóið

2008-08-11T22:25:00.004Z

Ég er svona eins og fólk er flest, tek bara þátt í Lottóinu þegar fjárhæðirnar sem eru í aðalvinning eru svo svimandi háar að maður eiginlega bara getur ekki annað en tekið þátt (þá er ég að meina að fara út í búð og kaupa mér 10 raða lottóseðil). Ekki vill maður vera einn af þeim sem segir "ég vinn aldrei" og taka svo ekki þátt. Því það er oft einhver einn heppinn bastarður sem vinnur - og það getur alveg eins verið maður sjálfur einn daginn - en það gerist auðvitað ekki öðruvísi en að taka þátt.

Þar sem ég er áskrifandi Lottó og Víkingalottó (bara ein röð í hvoru, því tek ég í raun alltaf þátt þó svo ég fylgist ekki alltaf með) fékk ég email fyrir nokkrum vikum um að tölunum í íslenska Lottóinu yrði fjölgað úr 38 í 40. "Það er allt í lagi", hugsaði ég. En nei, viti menn, aðalvinningurinn hefur ekki farið út síðan.

Ég hef átt samræður við fólk um Lottó sem enda nokkuð oft á því að fólkið segir að það sé peningasóun að taka þátt og að líkurnar séu svo hrikalega "slim" eða "alveg einn á móti milljón" eins og margir vilja orða það. Skulum kanna hvort það sé rétt eða hvort það verði hér með leiðrétt.

Við getum reiknað þetta út á eftirfarandi hátt:

Í íslenska lottóinu eru í dag 40 kúlur með númerum frá 1 upp í 40. Það skiptir ekki máli í hvaða röð kúlurnar koma upp.

Ef við hugsum okkur fyrst að það skipti máli í hvaða röð númeruðu kúlurnar koma upp, þá eru fyrst 40 möguleikar á hvaða númer við drögum fyrst, næst 39 möguleikar (þar sem eitt númer er farið), þar næst 38 (þar sem tvö númer eru farin), o.s.frv.
Heildarfjöldi möguleika er því 40 x 39 x 38 x 37 x 36 = 78.960.960.

Nú skiptir ekki máli í hvaða röð tölurnar koma. Möguleikarnir á að raða upp fimm mismunandi kúlum í einhverja röð eru 5 x 4 x 3 x 2 x 1 = 120.

Þetta þýðir, að ef það skiptir ekki máli í hvaða röð tölurnar koma, verða möguleikarnir á fjölda útkoma í Lottóinu 78.960.960 / 120 = 658.008.

Með öðrum orðum, líkurnar á því að vera með allar tölurnar réttar eru aðeins 1:658.008.

Á sama hátt getum við reiknað út líkurnar fyrir 38 kúlur eins og fjöldinn var fyrir nokkrum mánuðum; 1:501.942, og fyrir 32 kúlur eins og fjöldinn var fyrir allmörgum árum; 1:201.376. Auðvitað má svo auka líkurnar með því að kaupa fleiri en eina röð, en það er allt annað mál.

Það er greinilegur munur á hvort líkurnar séu 1:501.942 (38 kúlur) eða 1:658.008 (40 kúlur). Svo mikill er munurinn að enginn hefur hreppt hnossið sex skipti í röð á meðan hér áður fyrr, þegar kúlurnar voru 32, fór aðalvinningurinn út svona nánast undantekningalaust.

Ok, að vinna íslenska lottóið er sem sagt ekki alveg "einn á móti milljón". Ef sama dæmi er tekið um Víkingalottóið hins vegar (48*47*46*45*44*43= 8.835.488.640 og 6*5*4*3*2*1=720. 8.835.488.640 / 720 = 12271512) kemur í ljós að líkurnar á að vinna í því eru 1:12.271.512 eða einn á móti 12 milljónum, RÚMLEGA!

2008-07-26T00:18:00.001Z

Fór á tónleika með Damien Rice á Nasa í gærkvöldi og voru þeir sennilega bestu tónleikar með honum sem ég hef farið á. Ég hafði séð hann í Los Angeles með hljómsveit og svo á Nasa þegar Lisa Hanigan söng með honum, en þá hafði hann einnig með sér mikið effektaborð fyrir gítarinn sem var mjög magnað. Í gærkvöldi var hann hins vegar ekki með neitt slíkt með sér og var bara einn með gítar, effektalaus. Það reyndist vera málið þegar kemur að Damien Rice - ekki að hitt hafi verið slæmt en þetta small einhvern veginn í gær svo um munaði. Hann var sjálfur mjög afslappaður, enda í fríi eins og hann nefndi oft. Talaði mikið á milli laga og sagði ítarlega frá sögunum á bakvið lögin. Hann var mjög glaðlyndur og talaði mikið um hvað lögin hans voru niðurdrepandi sem var mjög fyndið. Einnig var hann mjög hreinskilinn um sjálfsfróanir og misheppnaðar tilraunir sínar með kvenmönnum. Svo hélt hann hópsöng við lagið Volcano sem var mjög flott og svo endaði hann tónleikana á því að bjóða fullt af fólki upp á svið og gefa því bjór. Hann var auðvitað að undirbúa undirspilið fyrir Cheers Darling og heppnaðist það svona - la la. Hann leiðbeindi þeim um hvenær ætti að "klingja" eða skála en allt kom fyrir ekki og úr varð mikið kraðak. En þetta var flott engu að síður. Læt video af youtube fylgja sem er þegar komið á netið af hópsöngnum en þar gaf hann einum hluta áhorfenda hlutverk um að syngja "She's still too young" og öðrum "Volcanos melt me down". Svo syngja allir aðrir raddir sem útskýrðar eru í vidjóinu. Úr varð þessi flotti hópsöngur.

2008-03-31T09:58:00.001Z

Það gerist nokkrum sinnum á ári að maður segir upphátt "jesss!" þegar maður heyrir nýja tónlist. Í fyrra var það t.d. Beirut, Cold War Kids o.s.frv. Ég sagði upphátt jesss í síðustu viku - og aftur í þessari viku.

The Grand Archives - samnefnd plata
Ég vissi ekki alveg hvað mér ætti að finnast þegar ég fyrst heyrði þessa plötu í ljósi þess að hvert einasta lag minnti mig á einhvern annan tónlistarmann. En þetta varð bara til að mér tónlistin mjög kunnugleg, næstum eins og ég væri búinn að heyra hana áður en það gat ekki verið þar sem platan er aðeins um mánaðargömul. Lögin er mjög mörg sem teljast góð og bara mjög fín plata í heildina. Eins og ég sagði er þetta einhver súr blanda af öllu því sem maður hlustar á. Ég heyrði áhrif frá Bítlunum, Nick Cave hélt ég að ætti eitt lagið, The Magic Numbers, Grandaddy, Beirut, Sigur Rós.. en samt svona rólegt flott popp... Tékkið bara á þessu. Það er ekki hægt að útskýra þetta! Hljómsveitin er frá Seattle sá ég einhvers staðar og fyrrverandi gítarleikari Band of Horses er í Grand Archives.

Spoon - Ga Ga Ga Ga Ga
Þessi hljómsveit er alveg geggjuð. Ef ég ætti að líkja henni við eitthvað þá er hún blanda af Peter, Bjorn og John, Wilco og Cold War Kids. Margir hittarar þarna. Þessi plata er ekki alveg jafn ný og plata Grand Archives en Ga Ga Ga Ga Ga kom út í fyrrasumar. Ég vissi ekki fyrr en ég hlustaði á plötuna að ég hafði heyrt nokkur lög þarna áður í útvarpinu. En hljómsveitin er "eldgömul" eða frá 1994 ca og því engir nýgræðingar hér á ferð. Svona getur maður verið seinn að taka eftir hljómsveitum.

2008-03-27T00:32:00.001Z

Vá nostalgían! Ég var að googla íslenskar tónlistarhátíðir útaf ritgerðinni minni og það virðist vera sem svo að það er ein tónlistarhátíð sem ég sótti eitt sinn hafi algerlega dottið úr minninu mínu! En þetta rifjaðist nú fljótt upp þegar ég skoðaði SÍÐUNA!

Finnst það líka nokkuð magnað að síðan sé ennþá uppi. Sem dæmi fórum við í síðustu reisunni á Bangkok 100 festival í Thailandi og sú síða er útrunnin nú þegar og svo virðist vera sem svo að sú hátíði hafi bara verið haldið einu sinni.

En á Reykjavík Music Festival voru hetjur eins og Ian Brown og Kent og svona. Að ógleymdu annars "ágætis" bandi sem söng oft um að vera kýldur niður og standa aftur upp - Chumbawamba, og Bloodhound Gang o.s.frv. Minnið mitt var greinilega alveg búið að blokka þetta út en það rifjaðist upp fyrir mér þegar Oddur Ingi gerðist svo frægur að grípa munnhörpu hetju sinnar Ian Brown þegar hann kastaði henni út í skarann. Reyndar minnir mig að hann hafi ekki gripið hana heldur reyndi hann af öllu afli að gera það og stelpan sem greip hana gaf honum hana vegna þess að hún sá hversu mikið honum langaði í hana. Síðast þegar ég frétti af munnhörpunni hafði Oddur gefið hana í afmælisgjöf! ehh... l ú ð i !

En hvernig var það með Reykjavík Music Festival... var hún líka bara haldin einu sinni? Ég man ekki betur en hún hafi verið haldin amk 2 þó ég finni nú ekkert um það á netinu en ég man samt mjög óskýrt eftir þessu. Það eru jú ÁTTA ár síðan þetta var!!

2008-03-22T22:24:00.002Z

Svalasti flutningur rokksögunnar?

2008-03-19T15:26:00.001Z

Þá er góðverki dagsins lokið. Ég fór í Blóðbankann í dag til að gerast blóðgjafi. Ég veit ekki hvað ég er búinn að vera lengi á leiðinni en í dag fór ég loksins eftir að átak í skólanum er búið að vera mjög áberandi og minna mann stöðugt á þetta.

Ég gaf reyndar ekki blóð þar sem í fyrstu heimsókninni er aðeins tekið blóðsýni til að vera viss um að maður megi gefa blóð. Ég tók þó fyrsta skrefið í áttina að þessu góðverki. Ég á svo að koma eftir 2 vikur að gefa blóð ef ekkert að blóðinu mínu. Þetta var lítið mál, þurfti bara að fylla út form um að ég hefði ekki sett hann í kakóið á öðrum manni nýlega, ég væri ekki með alnæmi og væri ekki búinn að sprauta mig með heróíni o.fl. ásamt einhverjum öðrum atriðum um heilsuna. Svo var blóðþrýstingurinn mældur og tekið smá blóðsýni.

Indælar konur taka á móti manni og bjóða manni kökur, kaffi, kakó, brauð og osta. Þær vildu endilega að ég myndi hvetja aðra sem ég þekkti að gera slíkt hið sama og geri ég það hér með. Þetta er mjög lítið mál og er frekar stórt góðverk sem maður er að gera. Þannig að nú er bara að drífa sig upp á Snorrabraut og láta tappa aðeins af... nema náttla að þú sért í kakóiðnaðinum!

2008-03-12T15:49:00.001Z

Hafið þið tekið eftir því að þegar fólk sem kaupir hluti sem eru í dýrari kantinum, t.d. flatskjái, bíla o.þ.h. eru spurðir um verðið þá svara ALLIR "sko, hann átti að kosta sko X en við fengum hann á X"?

Ég hef tekið sérstaklega mikið eftir þessu þegar kemur að sjónvörpum. Meira segja stóð sjálfan mig að því að segja þetta við þá sem spurðu mig. En núna þekki ég rosalega marga sem eru búnir að kaupa sér slíkt tæki og það segir þetta hver einasti maður.

Ég skil það mjög vel að þetta hljómar vel í eyrum þegar maður sér uppsett verð og fær alveg 20-30 þús kr afslátt af einhverju sem manni langar í og það verður bara til þess að fólk skellir sér frekar á dílinn. God knows, ég gerði það. Það segir sig sjálft að þeir eru ekki að fara að gera manni, einhverjum ókunnugum dúdda úti í bæ, einhvern ómældan greiða og slá 30 þús kr af virðinu útaf hreinni góðmennsku. Þeir selja ekki neitt án þess að græða eitthvað á því. Þannig að það er alltaf verið að sökkera fólk og ég var sökkeraður. Það er bara þannig.

Og svona í lokin... Maður getur ekki ímyndað sér það hvað þessi fyrirtæki eru að græða á því að selja þessi tæki. Ef þeir slá þessar upphæðir af fyrir framan mann, guð má vita hve stór hluti verðsins er gróði. Til dæmis um fáranlegar upphæðir sá ég mjög dýrt sjónvarp um daginn í búð, uppsett verð 499 þús. Við hliðina á þessu svimaháu verði var skilti "Helgartilboð 329.000 kr."! Já!

"Strákar, prófum að slá svona 170 kall af verðinu. Kannski að við náum þá að selja amk. eitt um helgina".

2008-02-22T23:53:00.000Z

Það kemur fyrir endrum og sinnum að maður hittir á kvikmyndir sem eru allt öðruvísi en allar aðrar kvikmyndir sem maður hefur horft á áður. Hins vegar get ég sagt núna að ég horfði, af einhverri skemmtilegri tilviljun, á tvær slíkar myndir í röð.

Fyrri myndin heitir "The Man from Earth". Ég fékk á tilfinninguna á fyrstu 5-10 mínútum að hér þar væri á ferð eitthvert algert rusl. Svo byrjaði hún að verða áhugaverð og var á heildina litið, eftir á, mjög áhugaverð. Eitt af því sem gerir myndina öðruvísi er að hún gerist öll á eina og sama staðnum - eða í húsi og í kringum það - og það er aldrei farið út fyrir þann ramma. Ekki einu sinni þegar verið er að segja sögu en þá finnst manni vaninn vera að sýna aftur í tímann það sem gerðist í raun og veru. Í þessu tilviki á það hins vegar ekki við. Myndin fjallar í stuttu máli um háskólaprófessor sem er að halda kveðjuteiti og segir sögu og er á endanum nánast yfirheyrður af þeim sem eru að kveðja hann. Ég held að ég geti mælt með myndinni þar sem myndin reyndist svo áhugaverð en ég þurfti oft að bíta í hornið á kodda vegna þess hve tilgerðarlegur og lélegur mér fannst leikurinn í myndinni á köflum. En áhugaverð saga bætir það heldur betur upp og myndin er umfram allt öðruvísi.

Síðari myndin heitir "Lars and the Real Girl". Öfugt við fyrra dæmið er hér á ferðinni afburðarleikur, sérstaklega þó aðalleikarans Ryan Gosling - sem ég er af ómeðvituðum ástæðum farinn að tengja við góðar kvikmyndir (get ekki nefnt eina mynd í augnablikinu sem ég man eftir honum í). Myndin fjallar um mann, leikinn af Ryan Gosling, sem er vægast sagt eitthvað bilaður í norðrinu og verður ástfanginn af dúkku. Ég ætla ekkert að segja meira frá enda er söguþráðurinn kominn á framfæri og ætti hún að gefa góða mynd af því sem myndin fjallar um. Maður fær kjánahroll hundrað sinnum en af einhverjum ástæðum, með einhverri samblöndu af leik, kvikyndatöku, tónlist, sögu og fleira, verður það til að manni finnst hér vera áhugaverð mynd á ferð sem er hreint ágæti. Þess má geta að myndin er tilnefnd til Óskarsverðlauna fyrir besta handritið.

Til viðauka má einnig nefna að Freysier benti mér á mynd sem heitir "Smiley Face Festival" og horfði ég einnig á hana nýlega. Það er bara eitthvað við það þegar fólk í kvikmyndum tekur ómeðvitað inn óhemjuskammt af eiturlyfjum sem fær mig til að hlæja. Þessi mynd byrjar á því að stelpa sem er annars mikill hassreykingamaður borðar muffins sem voru sérstaklega merktar henni með tilmælum um að hún mætti alls ekki borða þær vegna þess að þær voru fyrir eitthvað ákveðið vísindalegt tilefni. Það verður að segjast að muffurnar voru virkilega girnilegar með virkilega velútlítandi kremi og sennilegast hefði ég borðað þær, þrátt fyrir tilmælin. Hún allavega fær sér eina og endar með að klára heilan kökudisk fullan af muffum sem voru stútfullar af hassi. Það er hægt að hlæja að þessu. Mér eru mjög minnistæð atriðin í Supertroopers þegar einn gæinn varð að éta heilan poka af grasi til að fela það fyrir löggu og í Starsky and Hutch þegar Ben Stiller ruglast á sykri og kókaíni þegar hann útbjó kaffibolla og er að syngja með þegar Owen Wilson er að spila á kassagítar eitthvert fallagt lag.

2008-02-16T19:24:00.000Z

Ótrúleg saga og gæsahúð.

2008-01-10T14:18:00.000Z

Hef sett inn myndir úr áramótaferðinni til Egyptalands í myndaalbúm 4 hér til vinstri.

Í stuttu máli var ferðin ótrúlega þægileg og skemmtileg. Ég fékk drauminn uppfylltan loksins eftir margra ára bið að komast til landsins. Upplifunin var vægast sagt góð og í þversögn við þær hryllingssögur sem við höfðum heyrt áður en við fórum út. Ýktasta dæmið um þetta voru betlararnir sem áttu að vera út um allt. Það voru fleiri sem betluðu af okkur pening í London en í Egyptalandi! Einn í London og enginn í Egyptalandi!! Hehe... Svo voru Egyptarnir ekkert smá gestrisnir og vildu allt fyrir mann gera. Ef maður labbaði inn í búð og hóf að spjalla við starfsfólkið var undantekningalaust boðið manni sæti og te/kaffi/gos eða að reykja Shesha (ávaxtatóbak).
Veðrið var ágætt en hefði mátt vera hlýrra á kvöldin en þá þurftum við að vera í síðum buxum og peysum. En já, svo fórum við í fimm kafanir í rauða hafinu og meðal annars niður að hinu fræga SS Thistlegorm, breskt frakt skipt sem skotið var niður af Þjóðverjum í seinni heimstyrjöldinni. Það var vægast sagt magnað að sjá t.d. gömlu vörubílana sem voru með fullt af mótorhjólum aftan á. Allt í ótrúlega góðu ástandi miðað við að um 70 ár eru liðin síðan skipið sökk.
Við fórum einnig í fjórhjólatúr um Sinai fjöllin og það var mjög gaman. Allavega, ætla ekki að hafa þetta lengra. Endilega kíkið á myndirnar.

2007-12-17T21:49:00.000Z

Ég verð að vera hjartanlega sammála einum titlinum á b2.is sem hljómar svo "Torrent.is hefur greinilega dregið úr sölu.... eða þannig!"

Fréttin er um að Næturvaktin á DVD sé búin að seljast í um 8 þúsund eintökum á aðeins 6 dögum eða svo. Er þessu svo líkt við Mýrina, vinsælustu íslensku kvikmynd landans, sem selst hefur í 10 þúsundum eintaka á þó nokkuð lengri tíma.

Þetta er nefnilega málið. Torrent.is og aðrar aðferðir sem einhvern veginn stuðla að dreifingu á "ólögulegu" efni eru að hluta til að auka vinsældir þátta og ýmissa tónlistarmanna. Sem dæmi, þetta með Næturvaktina, ég efast stórlega um að hún hefði nokkurn tímann orðið svona vinsæl ef ekki hefði verið fyrir torrent.is. Það er þessi tugga sem tónlistarmenn eins og Sigur Rós og fleiri sem eru að ekki berjast á móti torrent.is, Napster, Limewire og öllu því eru að reyna að segja aftur og aftur... Ég man mjög vel eftir þegar sigur rósar-menn sögðu í viðtali að þeir væru bara ánægðari eftir því sem fleiri sem fengju að njóta tónlistar þeirra - og að það myndi sennilega bara auka hróður þeirra. Sem er alveg satt! Ég tók eftir þvílíkri maníu í fólki á torrent.is um að næturvaktin væri ekki komin inn o.s.frv. Þó að 3-4 þúsund manns hafi dánlódað hverjum þætti varð það bara til þess að þátturinn varð svo um munaði umtalaðri og vinsælli fyrir vikið. Það er því kannski bara torrent.is að þakka að þetta sé búið að seljast í ÁTTA þúsund eintökum.

Auðvitað má velta vöngum yfir því hvort að þeir sem hafi dánlódað þessu endi svo með að kaupa sjálfa dvd útgáfuna. Það má vel vera að svo verður ekki en það breytir því ekki að þúsundir manna horfðu á þáttinn af internetinu og mældu með honum við vini sína og kunningja, voru með frasa á heilanum og dreifðu þannig orðspori Næturvaktarinnar. Allt umtal og góð meðmæli eru miklu dýrmætari og verðmeiri heldur en nokkurn tímann heilsíðuauglýsingar í mogganum eða flottar sjónvarpsauglýsingar - believe me! Annars þurfa margir markaðsfræðingarnir að fara endurskrifa kennslubækur sínar og öll fræðin sín....

Og já, bara svona í endann fyrir þá sem ætla að kaupa sér Næturvaktina á DVD þá tók ég eftir auglýsingu frá BT eða eitthvað álíka og þar kostaði stykkið 3.800 kr - svo fletti ég einni síðu áfram og þar var auglýsing frá Bónus um að þetta kostaði 2.790 kr! Þúsund kall - tveir bjórar fyrir mig á næsta bar fyrir þann sem ég sparaði þúsundkallinn :) Ég held bara í vonina um að ég fái þetta í skóinn frá jóla ;) haha... ef ekki þá hika ég ekki við að kaupa eitthvað jafngott og þessa þætti! Því að ég get horft á þetta aftur og aftur og aftur...

2007-12-10T21:06:00.000Z

10. desember - lægð yfir landinu og illir tæknidraugar á ferð!

Ég bara varð að skrifa þetta hingað inn en þessi dagur hefur reynst mér og fólki í kringum mig erfiður tæknilega séð. Þetta er ekki á besta tíma þar sem allir eru í prófum. Dagurinn byrjaði á því að ég frétti að Klara hefði tapað skjali úr tölvunni sinni sem hún hafði unnið lengi í. Reyndi að bjarga því með því að spyrja mig og svo tölvugúruin í HR en enginn gat hjálpað. Gögnin voru horfin. Svo var komið að mér - var að læra og skrifa niður svör úr gömlum lokaprófum í Word skjal - ekkert annað í gangi í tölvunni og þá tekur hún upp á því að slökkva bara á sér í miðju kafi. Engin viðvörun - bara svartur skjár. Ég kveiki aftur en hún hafði gert þetta um daginn líka helvítið á henni. Fann word skjalið sem ég var að reyna skrifa í og þá slökkti hún aftur á sér. Ath batteríð og snúrur og allan pakkann og allt í fína. Batteríið fullt og allt tengt og í góðu. Kveikti og þá slökkti hun aftur á sér og ég að fara í próf daginn eftir. Ekki að fíla framgang hluta sko og vitnaði að meira segja upphátt við sjálfan mig í Ólaf Ragnar á Næturvaktinni "Er lægð yfir landinu eða?!!" Þá hætti hún. Á msn heitir svo einn félagi minn úr skólanum "já.. frábært! tölvan mín hrunin 18 tímar í próf í Excel" (þá var hann kominn í borðtölvu í foreldrahúsum). Þá crashaði tölvan hans og hann gat ekki einu sinni kveikt á henni aftur. Leiðinlegt! Þá hringir Hera í mig og segir að 4 tímar af próflestrinum hafi farið í að reyna fá netið aftur inn í tölvuna sína og búinn að vera í símasambandið við þjónustuver Símans í heilan klukkutíma og reyna allt og ekkert gekk. Þá kemur loks Ragna upp að mér á msn og segir að síminn hennar sé batteríslaus, hleðslutækið bilað og hún eigi ekki vekjaraklukku (próf hjá okkur á morgun kl. 9). Þannig að... ég spyr mig... "er lægð yfir landinu eða?!"

2007-12-01T11:01:00.000Z

30 ástæður fyrir því að kærastan mín er lúði

Þegar ég kynntist Klöru þá borðaði hún ekki maísbaunir og fannst þær vondar en fannst maísstönglar góðir = LÚÐI!
Þegar hún var á fyrsta ári í lögfræði kafnaði hún næstum því á hálsbrjóstsykri fyrir framan 120 manna bekk. Hún vildi ekki vera með læti í miðjum fyrirlestri þrátt fyrir að hún gæti hlotið mikinn skaða af, þannig að hún tók kaffibollann hjá manneskjunni við hliðina á sér eftir að hafa misst andann í þó nokkurn tíma og kúgaðist og lét brjóstsykurinn detta í bollann – LÚÐI!
Henni finnst Bachelor/ette skemmtilegir þættir = LÚÐI!
Borðar ekkert appelsínugult nammi (hlaup, Skittles, M&M...) = LÚÐI!
Til að ná “fullri einbeitingu” þarf hún alltaf að læra upp í skóla = LÚÐI!
Þegar hún var lítil handleggsbraut hún sig við það að fara í handahlaup = LÚÐI!
Borðar ekki BBQ sósu en borðar Langbest kjúklingasalat (kjúklingurinn er steiktur upp úr BBQ sósu) = LÚÐI!
Datt úr stiga þegar hún var að hjálpa pabba sínum að smíða og fékk RISA sár á sköflunginn = LÚÐI!
Finnst jólalög geðveikt skemmtileg = LÚÐI!
Þegar ég varð veikur á meðan hún var í prófum lét hún mig sofa inn í stofu til að hún yrði ekki veik á meðan prófunum stæði = LÚÐI!
Er ótrúlega gleymin = ef við erum að tala um hluti sem gerðust í ferðinni endar það yfirleitt á því að hún spyr “Hvar var það aftur?” = LÚÐI!
Enn um gleymni Klöru - Veðjaði einu sinni við mig 50 þús kalli að bíll sem við vorum með á leigu í marga daga í Bandaríkjunum hefði verið blár á meðan ég sagði að hann hefði verið hvítur og hafði rangt fyrir sér = LÚÐI!
Hefur aldrei átt gæludýr = LÚÐI!
Á Þjóðhátið Eyjum rann hún niður brekkuna nokkra tugi metra í sleipri drullunni – Í GALLABUXUM! = LÚÐI!
Dissaði myspace menninguna eins og óður maður og mörgum mánuðum seinna heyrðist frá henni “Tommi, viltu hjálpa mér að búa til Myspace síðu?” = LÚÐI!
Kann ekki að búa til myspace-síðu = LÚÐI!
Varð svo stressuð við að afgreiða söngvara Muse, Matt Bellamy, þegar hún var að vinna í búðinni í Bláa Lóninu að hún roðnaði eins og epli, mismælti sig, missti pennann og kvittunina fyrst á gólfið og svo á borðið þegar hún var rétta honum það = LÚÐI!
Er að læra lögfræði í HR = LÚÐI!
Í (innanhús)fótbolta ætlaði Klara að reyna ná boltanum af annarri stelpu en tæklaði hana þannig að henni tókst að þríbrjóta á henni ökklann = LÚÐI!
Uppáhaldsmyndin hennar þegar hún var yngri var “My Girl” = LÚÐI!
Einu sinni ætlaði hún að fara ybba gogg við mig og í stað þess að segja “I hate to say I told you so” byrjaði hún “I hate to tay I... ” = LÚÐI!
“Verður” að sofa hægra megin í rúminu = LÚÐI!
Þegar hún kom heim til sín í fyrsta sinn full náði hún ekki að fela það betur en svo að bæði mamma hennar og pabbi komu til dyra (var læst úti), hún ældi fyrir framan þau, fór að grenja, faðmaði þau síðan og sagði “Ég elska ykkur” = LÚÐI!
Borðar ekki sveppi, ólífur, feta-ost, sólþurrkaða tómata eða neitt sem heitir “framandi matur” (eins og hún kallar það) = LÚÐI!
Borðar soðna ýsu (kattamat) og finnst það geðveikt gott = LÚÐI!
Var sektuð 200$ á flugvellinum í Nýja Sjálandi fyrir að vera með epli í handfarangri = LÚÐI!
Kallar fólkið sem er með henni í HR “samnemendur sína” = LÚÐI!
Kann alla íslenska málshætti (liggur við) = LÚÐI!
Einu sinni var hún að skoða bíómyndirnar á flakkaranum okkar og spurði “hvaða mynd er Ðe Alíbí (The Alibi)?” = LÚÐI!
Það var hún sem sagði mér frá því hvað það hefði verið fyndið þegar strákur í skólanum hennar skrifaði á bloggið sitt 30 ástæður fyrir því að kærastan hans væri lúði = LÚÐI!

Hér er svo mynd af lúðanum :)

2007-11-29T12:25:00.000Z

Ég get ekki hætt að brosa. Ég er svo ánægður að það er bara ekki nokkur leið að útskýra það.

Ég fæ hroll að hugsa um að appelsínugulasviðið og 70 þúsund manns að syngja með "...and it wears her out..."

og nýja platan vá... sú á eftir að hljóma vel á Roskilde. Díses!

Radiohead og Roskilde, upphálds "R-in" mín í heiminum :)

2007-11-25T20:38:00.000Z

Jaaaaaáááá! Gary Busey...

2007-11-23T10:41:00.000Z

Þrefalt húrra fyrir nýju Radiohead plötunni. Hún verður betri og betri og betri... og er komin ansi komin ansi hátt á listanum yfir bestu Radiohead plöturnar! Ég kaupi þetta á plasti, svo mikið er víst. Sem þýðir að þetta virkaði hjá þeim með ókeypis dánlódið...

Einnig fær Beirut 9 tommur og 10 mögulegum tommum. Maðurinn er hæfileikaríkur fjandi og
höfðar til mín á furðulegan máta.

Guð blessi skrítna fólkið í heiminum! Án þeirra væri tilveran frekar grá. Það sem slær mann samt við þetta myndband er "hvað gerði þennan fjanda svona skrítinn?" Hálft kíló af kóki og sterkt sinnep á anusinum kemur fljótlega upp í hugann. (skylda að horfa á til enda)

2007-10-28T20:12:00.000Z

Fór í gær á stórtónleika með Rúnna Júll í Höllinni og voru þeir mjög góðir. Þetta var svolítið öðruvísi en maður hafði áður kynnst en það var sögumaður sem talaði stundum á milli laga sem lék í raun Rúnna og sagði sögu hans í grófum dráttum frá upphafi á húmorískan hátt. Svo voru tónleikarnir í tímaröð þar sem byrjað var á að spila lög eftir Hljóma og endaði svo á sólólögunum hans.

Við sátum næstum efst í stúkunni fyrir miðju þannig að við vorum í góðum sætum. Sem betur fer man ég eftir gleraugunum í þetta skiptið en ég fór tvisvar í Laugardalinn fyrir hálfum mánuði síðan, fyrst á landsleikinn - svo á Megas, og ég gleymdi sjónaukanum í bæði skipin :/

En tónleikarnir mjög góðir og hin fínasta skemmtun. Til að byrja með heyrði ég ekki alltaf það sem þessi hetja söng en svona til gamans má geta að ég skildi svona 98% meira af sungnum texta en þegar ég fór á Megas.

Lagið My friend and I í gærkvöldi á tónleikunum.

2007-10-28T20:08:00.000Z

Ég held ég komi ekki við á KFC eða McDonalds í Bandaríkjunum næst þegar ég fer þangað! Ég ætla að treysta á Íslendingar komi betur fram við dýraríkið en þetta.

Þakka Jimmy Buffet fyrir ábendinguna!

2007-10-11T21:50:00.000Z

It´s all gooood

Ég hafði lofað færslu um allt það sem væri gott og gleðilegt. Ég ætlaði að gera það miklu fyrr og svo sá ég dagsetninguna á færslunni... Icy hópurinn hafði rétt fyrir sér með að tíminn liði hratt! Það er svona að lofa upp í ermina á sér og setja pressu á sjálfan sig :) En ég ákvað að skrifa smá núna þar sem ég er að fara í námsferð alla næstu viku.

Hróarskelda 2007 - gleði og bleyta.
Ég ætla ekki að fara út í smáatriði en það var geðveikt á Keldunni í ár. Við vorum mjög mörg í tjaldbúðunum - aldrei fleiri. Þar voru nokkrir nýliðar eins og t.d. Tóti og Gulla. Fólk upplifði hátíðina á alls kyns mismunandi vegu. Mér fannst mjög gaman þrátt fyrir rigninguna og drulluna á meðan aðrir kváðust aldrei ætla aftur. Tónleikarnir voru margir góðir í ár og þar ber helst að nefna Arcade Fire, Beirut, The Killers, Muse, QOTSA og fleiri. Sumir ollu vonbrigðum eins og t.d . RHCP og Beastie Boys. En Hróarskelda stendur alltaf fyrir sínu og skilur alltaf eftir jafnmikið af skemmtilegum minningum. Það verður áhugavert að skoða vidjóið frá hátíðinni í ár en ég hef ekki ennþá skoðað það.

Golf - já, golf!
Ég held að ég hafi farið á milli 15-20 sinnum í gólf í sumar eftir vinnu með Kristjáni, Tóta, Gunna, Birni og fleirum. Ég er efnilegur í það að fá delluna held ég enda mjög gaman hjá okkur. Það má fyrst og fremst þakka breyttum vinnutíma það að ég hafði tækifæri á að njóta kvöldanna svona mikið í sumar. Nú bíð ég bara eftir vorinu svo maður geti farið að slá aftur! Vá, setning sem ég hélt að ég myndi aldrei segja... It´s all good samt.

Tónlistin
Í spilaranum hefur verið lítið annað en Arcade Fire og Beirut undanfarna mánuði. Arcade Fire er svo svívirðalega góð hljómsveit að það verður að teljast mannréttindabrot ef einhver hefur ekki fengið tækifæri til að njóta tónlistar þeirra. Lögin No Cars Go, My Body is a Cage, Intervention og fleiri eru bara ótrúleg lög. Tóti sagði við mig í sumar að maður vissi að þegar væri varið í tónlist þegar manni líður öðruvísi eftir að hafa hlustað á lag en maður gerði áður en maður hlustaði. Þegar kemur að Arcade Fire þá er mikið varið í þá samkvæmt þessari kenningu. Annað sem gleður þessa dagana eru fýrarnir í Radiohead. Þeir gáfu út sína sjöundu hljóðversplötu og það á netinu. Þeir eru þekktir fyrir að fara ótroðnar slóðir og í þetta sinn gerðu þeir það heldur betur með því að leyfa fólki að dánlóda plötunni og ráða hvað það borgaði fyrir tónlistina. Platan hljómar mjög töff og sem fyrr er engin endurvinnsla í gangi. Ég á bara eftir að hlustað oftar á hana til að segja meira um hana en þetta. En þessi hljómsveit gerir bara lítið úr öðrum hljómsveitum. Sjá til dæmis þennan flutning á Paranoid Android.

Egyptaland
Það gleður einnig þessa dagana ferðin sem haldin verður í um áramótin en þá förum við Klara til Egyptalands í tilefni af 5 ára afmæli okkar. Ég hef reynt að koma landinu inn í ferðirnar mínar í gegnum árin en aldrei tekist. Mig hefur líka lengi dreymt um að heimsækja landið og má það rekja til þess þegar ég þurfti að halda mjög langan fyrirlestur í Sögu 103 hjá Ingunni í FS um landið. Loksins er komið að því og verðum við í landi Egypta yfir áramótin. Fljúgum til Kaíró þar sem við heimsækjum ma. pýramídana og fleira og höldum svo í Rauða Hafið til að kafa og sleikja sólina. Það verður "ó ljúfa líf ljúfa líf..."

Ekki meira í bili - en það er samt svo margt annað gott í gangi þessa dagana. Næstu blogg verða bara líka um það! :)

2007-09-18T21:44:00.000Z

Allt það sem er rangt...

,,Sælir eru fattlausir, því þeir fatta ekki hvað þeir eru vitlausir."

Þessi tilvitnun á svo sannarlega við þegar maður ætlar að skrifa um margt sem er svo rangt. Ég hef lofað öðrum og sjálfum mér að blása lífi í þetta blogg á ný. Það þarf enga mannvitsbrekku til að átta sig á því að það er löngu kominn tími á skrifum hingað inn. Bloggið er staður þar sem maður tappar af ákveðnum hugsunum til að koma veg fyrir þær byggist endalaust og gossi yfir næstu manneskju sem hefur engan áhuga á að hlusta á pælingarnar. Eins og titillinn ber í skauti sér ætla ég að fjalla á skipulagðan hátt um margt það sem er rangt. Næst verður það öfugt.

Topikk eitt, það er svo margt við líkamsstarfina sem á rétt á sér. Við skjálfum þegar okkur er kalt og þá er líkaminn að sýna viðbrögð við kuldanum. Með því að láta okkur skjálfa kemst hreyfing á blóðið og okkur á að hita. Fólk hóstar og það er t.d. þegar einhver ertingur er í hálsinum eða einhver óvþeri sem þarf að hjálpa áleiðis. Hóstinn losar með gífurlega miklu afli með hnykk af lofti til að losa ertinginn. Ég ímynda mér t.d. í hvert sinn sem reykingamaður hóstar þá er sóti á bifhárunum í hálsinum og þau ná ekki að ýta drullunni sjálf upp. Þá er ímyndaður Transformers kall sem situr neðst í barkanum sem sparkar af miklu afli í lungað á hóstaranum svo út komi fullt af lofti og losi óþverann og hjálpar honum að komast rétta leið = út úr líkamanum. "Aaahuuu!!!" En það sem er ekki rétt er HNERRI, "Aaaatjsúú!!!". Hann hefur svo lítið sem engan rétt á sér. Ef maður pælir í því, hnykkurinn, hljóðið og það sem er í gangi. Hnerrinn losar ekkert horið sem er að kitla nefhárin í nefholinu sko! Fólk tekur bara spassakipp með látum og þá er hnerranum lokið. Svo eru það hinir, sem reyna að sprengja heilahimnuna og hljóðhimnuna á sama tíma með því að reyna birgja þetta inni. Við fáum kvef og við hnerrum. Ekki misskilja mig, mér finnst geðveikt að hnerra en þegar honum er lokið þá hugsa ég alltaf bara "til hvers?" Hvað gerir þetta? Mig klæjar ekki lengur í nefinu en fallegu spassaviðbrögðin við kitli í nefi.

Topikk tvö, fólk hleypur um eins og hauslausar hænur að kaupa sér hús og íbúðir þessa dagana þrátt fyrir að það kosti það alla leggi og limi. Það sem er ekki rétt og er einfaldlega rangt í alla staði er að (skv. reiknivél glitnir.is) ef maður tekur fimmtán milljón króna lán fyrir íbúð hjá Glitni, lán sem er verðtryggt, hið svokallaða hefðbundna húsnæðislán þá borgar maður á endanum 66.006.000 KR.!!!! Halló? Hvar er réttlætið í því? HÚSNÆÐISLÁN eru manni ekki hagstæð. Í sömu andrá má velta fyrir sér fólki sem vinnur í lottó og á fyrir húsi í kjölfarið. Pælið í öllum milljónunum sem það er að spara sér í vexti með því að þurfa ekki að taka lán. 66 milljónir fyrir að fá 15 milljónir lánaðar er rangt. En hvað getur fólk gert? Ekki neitt...

Topikk þrjú, maður lendir stundum í því, sem betur fer ekkert mjög oft, að fólk sem maður er að tala við er ekki að hlusta á það sem maður er að segja og er að reyna svara án þess að hlusta á hvað það er sem maður er að segja. Þegar ég hef lent í þessu tek ég eftir að munnurinn á viðkomandi gapir eins og á lafmóðu hundskvikindi eins og hann sé tilbúinn að segja eitthvað á meðan maður er ennþá að ljúka máli sínu og svo segir viðkomandi "já, já, en, en , en..." Mér er skapi næst þegar einhver gerir þetta að segja það bara flatt út "hey, bídd þú þar ég hef sagt það sem ég ætla að segja svo þú getir melt það sem ég er að segja þér og þá getur þú svarað með tilliti til þess sem ég er að segja þér". Annars.. þá ætti bara að vera regla sem bannar fólki að tala svona. Jafnvel að setja þetta í boðorðin; "Boðorð 11; þú skalt eigi leggja orð í belg við nágrannan fyrr en mannhelvítið hefur lokið máli sínu svo yður getur melt það sem nágrannin hefur tjáð og svarað samkvæmt því". Maður sér þetta sérstaklega oft gerast í Íslandi í dag og Kastljósinu í einhverjum svona kappræðum. Auðvitað er ég ekki að segja að fólk eigi alltaf að vera svona en það er erfitt að útskýra þetta. Mér finnst bara svo asnalegt þegar fólk er að svara einhverju bulli í stað þess að hlusta fyrst og svara svo.

Topikk fjögur, svona í sama dúr þá fer það afar mikið í taugarnar á mér þegar maður er að tala við fólk og segir sjálfur eitthvað, einhverja setningu til dæmis, og viðkomandi opnar strax á sér túllann á svo augljósan máta að hann veit ekki hvað hann er að fara að segja. Fólk byrjar ,,já.. og..." og segir svo síðan einhverja bölvaða vitleysu sem á við enga stoð að styðjast og er gjörsamlega út í hött. Þegar ég heyri svona svör spyr ég oft sjálfan mig í hljóði ,,Hvað var ég að tala um?" Fólk ætti frekar að þegja í stað þess að segja einhverja vitleysu sem lætur það líta illa út.

Topikk fimm, fólk hefur á skipulagðan máta undanfarið ca. hálft ár verið að rífa niður mannorð Kennaraháskóla Íslands. Ég veit sjálfur ekki hvort þetta er svona mikið í orðræðunni í samfélaginu eða hvort ég lendi bara mikið á fólki sem hefur ekkert álit á skólanum. Fólk talar mikið um t.d. að lokaritgerðirnar í skólanum séu bara brandari. Sumar þeirra sé 17 síður og aðrar 21 síða og þar fram eftir götunum. Að lokaritgerðirnar séu skrifaðar eins og grunnskólanemandi hafi skrifað þær. Pabbi hefur oft sagt það í gegnum tíðina að ég ætti ekki að gerast grunnskólakennari því kennarar eiga það til að fara á sama plan í "mentality" og nemendurnir. Ég ímynda mér að þeir sýni yfirlæti á meðan þeir kenna en smátt og smátt fara þeir að sýna kæruleysi gagnvart stafsetningarvillum eins og þeir verða að gera þegar þeir lesa ritað mál hjá nemendum sem ekki kunna stafsetningu. Fara svo að sýna einkenni frekju og gelgju sem má aðeins rekja til andlegrar vanlíðan nemanda kennarana. Á endanum eru þeir svo farnir að hugsa og skrifa eins og börn og verða einfaldlega barn í höfðinu. En aftur að ritgerðunum... Þetta er það sem er rangt við KHÍ. Án þess að hafa verið að leita af ritgerð var ég að googla einhverju varðandi ,,Námsferð innanlands" kúrsinn sem ég er í skólanum og fyrsta leitarniðurstaðan var lokaritgerð úr KHÍ. Ég hugsaði að þetta væri gott random úrtak til að ath málið hvort þær væru skrifaðar eins og af 11 ára krökkum. Skjalið opnaðist og ég ýtti fjórum sinnum á PageDown hnappinn. "Þegar ég byrjaði nám mitt við KHÍ... fattaði ég hvensu mikið krakar hafa gaman að því að veiða..." Í einu "paragraphi" taldi ég níu augljósar stafsetningavillur og jú ritgerðin var skrifuð á mátann sem lýst hefur verið hér á undan. Í fyrsta lagi þá finnst mér viðkomandi ekki hafa mátt fá gráðu á háskólastigi með því að skila lokaritgerð sem var augljóslega ekki skrifuð vel, uppfull af prent- og stafsetningarvillum. Ég meina Come on! Lágmarkið er að láta lesa yfir og lagfæra orðlag og villur. Svo ég tali nú ekki um efni ritgerðarinnar. Ég las nokkur "paragraph" í viðbót og fylltist sannfæringu um að þetta mætti ekki á háskólastigi. Semsagt, orðræðan um að námið í KHÍ sé "Gimmyfive nám" er hér með að vissu leyti staðfest. Mér finnst bara frábært að þetta fólk geti mætt í vinnu og gengið um eins og það sé ánægt með lífið og tilveruna... að geta skilað skítlélegum ritgerðum og fengið háskólagráðu fyrir...

Eins og tilvitnunin segir; ,,Sælir eru fattlausir, því þeir fatta ekki hvað þeir eru vitlausir."

Ég gæti haldið svona lengi áfram, þ.e. að nefna hlutir sem eru einfaldlega rangir en eru til og eiga sér stað í þessum skrítna nútíma okkar. En í stað þess að halda áfram ætla ég frekar að eyða orkunni í að pæla í því sem ég skrifa næst, sem verður "All good".

Lengi lifi bloggið.

2007-07-23T21:38:00.000Z

Var að henda inn myndum frá roskilde. Tékk it át, myndaalbúm 4.

2007-06-13T00:14:00.000Z

Léttur í lundu...

Það er gott að vita af því á veturna að þessir fjórir sólríku mánuðir koma á hverju ári og setja örlítið meiri birtu á umhverfið. Sólarljósið er nefnilega talið hafa töluverðan lækningamátt og sagt er að þeir sem búi í sólríkari löndunum séu mun léttari í lundu. Ég get óneitanlega tekið undir þetta - sérstaklega vegna þess hversu bjart hefur verið yfir landinu undanfarna daga. Það verður einhvern veginn léttara á manni og allt í umhverfinu tekur á sig lit eftir margra mánaðar hlé frá litaspjaldinu. Án þessara mánaða væri SBK og önnur rútufyrirtæki líklega með hópferðir upp á Berg þar sem Íslendingar myndu hoppa niður í hollum.

Þegar vorið er komið og sumarið alveg að bresta á er það ekki bara betra veður sem er í vændum. Þá taka einnig við nokkrir mánuðir af vinnu sem eru töluvert auðveldari fyrir mann en þegar lærdómurinn er í fullum gangi. Öðruvísi áhyggjur, einhvern veginn. Það besta við vorið og byrjun sumarsins er að þá fer Roskilde fiðringurinn og öll Roskilde fiðrildin í maganum sem eiga þar heima heldur betur að lifna við (ætli fiðrildin hafi verpt þessum Roskilde eggjum á mann þegar maður hefur verð að sofa undir partítjaldinu á hátíðunum?) Þau liggja í dvala um veturinn (og eru bara púpur) en maður veit af þeim. Svo kemur vorið og þá byrja þau að flökta um í maganum og maður fyllist tilhlökkun sem erfitt er að útskýra fyrir þeim sem ekki hefur farið. Metnaðurinn fyrir því að vera búinn að drekka fyrsta bjórkassann fyrir kvöldmat fyrsta daginn er orðinn slíkur að ég er nokkuð viss um að ég missi af fyrsta kvöldinu. Svona gerist þetta. Maður spennist allur upp - fyllist metnaði til þess að drekka mikinn bjór og bulla sem mest á skandinavísku (sem maður verður svo fær í við lendinguna í Kóngsins Köbenhavn) - og svo kemur "burnout-ið":

"Hann er dauður!" öskrar einhver.
"Hvar er tússinn?" heyrist í öðrum.
"Ég skal ná í tússinn" segir sá þriðji.

Sumarið er tíminn...

2007-06-09T00:26:00.000Z

14. apríl seinast? Vá, ég verð að fara skrifa eitthvað hingað inn... nei, heyrðu... viti menn... I just did!

2007-04-14T19:58:00.000Z

Ég vil bara þakka Metallicu, Guns 'n Roses, AC/DC, Iron Maiden, Skid Row og Mötley Crüe og öllum þeim þungarokkssveitum sem ég hlustaði á sem krakki fyrir að taka álagið af mér á þessum erfiðu tímum. Takk :)

2007-04-14T12:54:00.000Z

SNILLD

Vá, ég er með geðveikislegar fréttir af Hróarskeldu. Hljómsveitin Hayseed Dixie verður á Skeldunni í sumar og ég get nánast fullyrt strax að þetta verða einu bestu tónleikar hátíðarinnar! Hayseed Dixie er hillbilly hljómsveit sem tekur bara lög eftir aðrar rokkhlómsveitir. Gáfu meðal annars út plötu sem heitir "A hillbilly tribute to AC/DC". Þetta eru fjórir 100% nettruglaðir hillbillyar og þetta er bara snilld. Smekkbuxur, haglabyssur og banjó! Hvað meira getur maður viljað? Þeir taka líka lög eftir Rolling Stones, Kiss, Black Sabbath og svona.. og vá þetta er svo geðveikt fyndið en líka töff í senn. Tónleikar með þeim verða örugglega to die for!

Endilega tékkið á myspace síðunni þeirra og aðdáenda síðunni þeirra (skemmtilegri lög þar sko) og ég lofa að þið verðið ekki svikin!

Hátíðin er ekki búin að tilkynna bandið sjálf en það gerist örugglega á fimmtudaginn.

2007-04-08T13:19:00.000Z

Stefnir allt í annað Modest Mouse sumar

Nýjasta plata Modest Mouse, "We were dead before the ship even sank", er ef ekki bara með ennþá fleiri efnilegum sumarsmellum en síðasta plata þeirra. Sumarið 2004 tengi ég alltaf við Modest Mouse en þá var það lagið þeirra "Float on" af "Good news for people who love bad news" sem reið öllu. Ég held að við allir vinirnir hafi fjárfest í eintaki þetta góða sumar. Það er bara svo oft þannig að þegar maður heyrir einhverja tónlist og þá sérstaklega ákveðin lög sem maður tengir það strax við eitthvað tímabil eða atburð. Modest Mouse á sumarið 2004 ennþá í huganum mínum að minnsta kosti. Það og drullan á Hróarskeldu þetta árið. En platan þeirra sem var að koma út er engu síðri og því stefnir allt í annað Modest Mouse sumar!

2007-03-25T23:45:00.000Z

Takk allir fyrir laugardagskvöldið fyrir rúmri viku! Má segja með sanni að þetta hafi verið "all star" partí. Loksins allir samankomin á ný. Ein stjarnan þurfti náttúrulega að vera alvega ekta stjarna og koma svo seint að hann hitti okkur ekki fyrr en á hjálmum! Sem voru geggjaðir hreint út sagt. Eins og þeir hefðu aldrei hætt! Gott kvöld sem endaði samt asnalega. Tók stigann á 11unni á svona 0,4 sek. Rann í einhverri bleytu efst í tröppunum. Fór í einhverja 7 ára fýlu út í sjálfan mig, bersýnilega orðinn of drukkinn, og fór heim. Skííítkalt og ógeðslegt en ég ákvað að labba heim. Fór ekki betur en svo að ég datt líka í gangstéttina á leiðinni heim og fékk sár í lófann!

Ég er að reyna gera upp við mig hvort að maður eigi að splæsa í miða á Bjarkar tónleikana í Höllinni eða hvort maður á að láta Roskilde giggið duga. Allar tillögur og vísbendingar velkomnar.

Er bara búinn að vera vinna um helgina á leigunni upp í flugstöð og það í fyrsta sinn síðan í ágúst. Var smeykur um að ég væri búinn að gleyma ferlinu en svo var þetta eins og að hjóla enda maður með reynslu hér á ferð!

Róleg helgi semsagt. Gulli og Tóta buðu okkur í mat í gær og við tókum vidjó. Væri ekki frásögufærandi ef maturinn hefði ekki verið svona geðveikur (kjúklingur í osta og salsasósu með dorritos og e-ð :D) og svo römbuðum við líka inn á geggjaða mynd sem kom geðveikt á óvart. Hún heitir The Big White og leyfi ég mér fyllilega að mæla með henni! Svo fengum við líka góðan gest og var það hinn mikli Dave the Brave!

Over og ud..

2007-03-16T19:05:00.000Z

hjálmar hafa gert nýtt lag sem má hlýða á hér.

Lagið heitir "Þú veist í hjarta þér". Hvort þeir flytji það á Nasa kemur svo bara í ljós...

2007-03-10T18:02:00.000Z

hjálmar eru að koma aftur saman. Ætla ma. að spila á NASA nk. laugardag (17. mars). Endilega að mæta og fagna endurkomu þessarar mögnuðu hljómsveitar!

Unnið er nú hörðum höndum að því að koma hjálmum á Roskilde. Allt verður reynt en nú þurfa þeir á hjálp aðdáenda sinna að halda.

Frá hjálmum:
Kæru vinir.

Vinur okkar í Danmörku hefur bent bókaranum fyrir Hróarskelduhátíðina á hjálma. Vandinn er sá að nú er að verða of seint að bæta við nýjum hljómsveitum, en hann benti á að ef vinir okkar og aðdáendur gætu tekið smástund og skrifað óskapóst til þeirra gæti það haft áhrif. Svo ef þið hafið áhuga á að sjá hjálma á Hróarskeldu, gætuð þið hjálpað okkur mjög með að senda þeim póst. (info@roskilde-festival.dk)

Annars lítur út fyrir að við verðum að spila dálítið í sumar. En okkur langar mjög að spila Hróann, og við höfum reynt að komast að síðastliðin tvö ár. Svo endilega hjálpið til! Við lofum ykkur frábærum tónleikum.

Kveðja.
hjálmar

Gott væri einnig ef fólk myndi senda óskir sína um að sjá hjálma á spjallborðið á dönsku roskilde síðunni (roskilde-festival.dk). Spjallið er efst á síðunni undir "community" og "forum".
Öll hjálp vel þegin.

og til að hita sig upp fyrir 17. mars:

2007-03-05T23:19:00.000Z

Hef ekki bloggað í dágóðan tíma vegna þess að ég þurti að uppfæra bloggið eitthvað í gegnum Gmail. Það hræddi mig eitthvað og því gerði ég ekkert í þessu í þó nokkurn tíma. Þetta var svo minnsta mál og hér er ég aftur...

Ég man þó ekkert hvað ég ætlaði að skrifa á bloggið í þau skipti sem ég fór inn á blogger.com þannig að ég spyr bara: Hverjir ætla að fara á Hróarskeldu, for sure?

2007-01-31T23:10:00.000Z

Ég þarf að snúa skítahringnum við

Eins og Gunni A. myndi segja: Jæja.

Margt verið um að vera síðan ég skrifaði hérna inn seinast. Það er bara þannig að bloggið á það til að gleymast... sérstaklega þegar nóg er um að vera. En til að stikla á stóru:

- var í prófum á fullu til 20. des og gekk bara ágætlega. Seinna kom svo í ljós að mér hafði bara aldrei gengið jafnvel í háskólanum og voru einkunnirnar fjórar á bilinu 7,5 til 8,5. Og hananú!

- jólin voru þægileg eins og þau eiga að vera. Ég var náttúrulega erlendis síðustu jól og því sérstaklega gaman að vera aftur heima um jólin.

- Á milli prófalesturs og jólahátíðarhalda voru haldnar Rými æfingar eftir gott hlé. Mánuðurinn einkenndist af mikilli nostalgíu og náði hámarki 29. des þegar við spiluðum á fyrstu tónleikunum okkar í fjögur ár. Tónleikarnir voru haldnir á Stúdentakjallaranum ásamt Tokyo Megaplex, Jan Mayen og Ælu undir heitinu HreinnJólaSveinn - en Sveinn er bassaleikarinn í öllum sveitunum. Giggið gekk vonum framar og segja sumir að við höfum aldrei verið betri. Sveinn er orðinn þónokkuð mikið betri bassaleikari og allar græjur orðnar dýrari og betri. Allt varð þetta til þess að þetta hljómaði allt saman mjög vel og ryðið var fljótt að fara á æfingunum. Skrítið að spila á tónleikum þar sem allir sungu með og voru með bros á vor - þar á meðal við. Spilagleðin leyndi sér ekki - sérstaklega eftir að myndbandsupptakan var skoðuð. Hugmyndir eru um að fara að æfa aftur reglulega og held ég persónulega að af því verði.

- Áramótin voru tíðindalítil en "árlegt" áramótapartí var haldið á Suðurgötunni og svo haldið í tilgangslausa ferð niður í bæ.

- 11. janúar fluttum við Klara úr Klausturstígnum í Grafarholti í Skipholtið í þónokkuð stærri íbúð. Okkur líður betur hér og að fara að sækja Klöru í skólann er ekki lengur hálftíma prógramm.

- Jólagjöfin hjá okkur Klöru var ferð til Boston. Við ákváðum að drífa okkur sem fyrst áður en einhver alvara kæmi í námið og fórum við út þann 17. janúar í fimm daga. Eftir að fengið okkur eNORMous hamborgarara og bjór á Cheers tók við mikil harka og gerðum við ekki annað en að versla. Þar ber hæst að nefna nýju dúlluna mína Fender Stratocaster American - Made in USA. Enginn smá gripur :D Ferðin var skemmtileg og borgin mjög flott. Hins vegar voru það tollverðir flugstöðvarinnar sem tóku á móti okkur, okkur til mikillar óánægju. Löng saga - en þetta er víst bara happaglappa. Ég er nokkuð viss um að það hafi verið gítarinn sem varð okkur að falli en við þurftum að borga tugi þúsunda í tolla og vsk. Hvílíkur bömmer sem við vorum lengi að ná okkur eftir. Skulum bara orða söguna þannig að tollvörðurinn játaði að honum hafi verið flökurt vegna þess hve vel ég náði að ljúga að honum. Ég kom með sögu um gítarinn sem tollvörðurinn keypti en svo komst upp um mig og mér leið eins og mesta hálfvita 21. aldarinnar.

- Nú er það Roskilde fréttirnar sem eru að fara í gang og því ekki laust við að fiðringurinn var að kvikna á ný en á tímabili hélt ég að fyrsta fríárið væri í vændum. Ég held ég þurfi ekki að hafa áhyggjur af því að ég fari ekki. Nú er búið að tilkynna Red Hot Chili Peppers og Björk. Ég var gífurlega ánægður með fréttirnar af Björk en tónleikarnir hennar á Roskilde '03 eru á listanum yfir topp tíu tónleikana sem ég hef orðið vitni af.

- Skólinn er farinn í gang. Ég er búinn að velja mér aukagrein og var það Markaðsfræði og alþjóðaviðskipti sem varð fyrir valinu. Ég er aðeins í einum kúrs í ferðamálafræði núna og fjórum markaðsfræði áföngum. Löng saga gerð stutt væri sú að nú sit ég heltekinn af auglýsingum í sjónvarpi og blöðum og velti miklu vöngum yfir þeim. En annars líst mér andskoti vel á þetta nám og get vel ímyndað mér að skella mér í mastersnám að B.S. loknu og það í markaðsfræðinni. Verst er bara að skítahringurinn minn er óheppilegur. Þið vitið hvernig maður skítur stundum á sólarhringsfresti. Oftast var þetta bara um kvöldmatarleytið hjá mér en núna er það yfirleitt um hádegið, akkúrat á þeim tíma í þessum nýjum áföngum mínum sem ég er við það að fara upp á töflu og tala fyrir framan bekkinn. Þykir mér það mjög miður að væri bæði að skíta í mig yfir því að vera fara tala fyrir framan fólkið en líka að vera skíta í mig bókstaflega. Ég hlýt að líta út eins og einhver herpingur upp á töflu. Ég þarf að snúa skítahringnum við, það er nokkuð ljóst.

Ekki meira í bili. Kem vonandi með eitthvað gáfulegt að segja fljótlega. Yfir og út í stút.

tommi.

2006-12-14T21:36:00.000Z

A ring a ding ding? - No, a ring a ding ding ding! Nú er nóg komið.

Einhvers staðar á bakvið luktar dyr á bæjarskrifstofum Reykjanesbæjar situr feitur, sköllóttur, kall sem fattaði fyrir nokkrum árum hversu ógeðslega sniðug hringtorg væru. Honum fannst þetta svo sniðugt að hann ákvað að setja þau út um allan bæ svo lengi sem hann fengi leyfi til þess. Nú, ef hann fær ekki leyfi til þess þá dritar hann bara niður harðgúmmíi í beina línu og boltar það í malbikið og kallar það hraðahindrun. "Já já, setjum tvær í þessa litlu götu þarna." - heyrist í honum fram á gang.

Já, ég heiti Tómas og ég kem frá Keflavík. Betur væri samt að kalla bæinn Hindranavík eða Torgbæ. Manni verður svo flökurt á að keyra um bæinn nú á dögum að það er verra en að vera á handónýtum togaradalli í 90 hnúta vindi! Tala nú ekki um allar helvítis hraðahindranirnar og nú getum við farið að tala um liðagigt í öllum líkamanum. Svo ekki sé nú talað um Hafnargötuna sem eitt sinn var 1,25km á lengd heldur er búið að lengja helvítið á henni örugglega um mörg hundruð metra þökk sé öllum þessum djöfulsins hringtorgum, beygjum og hraðahindrunum.

Ég veit ekki hvar þetta endar. Nú er það orðið fréttnæmt þegar búið er að opna eitthvert helvítis hringtorgið og ekki bara það! Ó neeeei! Það á að skíra helvítið! Nú á að fara skíra hvert einasta stykki frá miðbæ Reykjanesbæjar upp á Reykjanesbraut! Held að helvítið eigi að heita Reykjavík en þeim væri nær að skíra það Flökurleiki 54 eða ökuprófsbeygja #167.

Djöfullinn hafi það! Mér orðið flökurt á að hugsa um þetta... Ef þetta heldur svona áfram getum við ekki keyrt í beina línu meira en svona 200 metra. Komum alltaf heim með sjóriðu, reynandi að stíga ölduna...

2006-12-09T22:09:00.000Z

Ef ég væri í félagsfræði og væri að huga að því að gera rannsókn myndi ég segja að það væri félagsfræðilega áhugavert að rannsaka "personal message" (það sem stendur fyrir aftan nöfn fólks í ljósgráum stöfum) fólks á MSN yfir prófatímann.

Ég er búinn að velta þessu fyrir mér núna í nokkra daga og þetta er stórmerkilegt þegar maður pælir í þessu. Sumir breyta skilaboðunum sínum alls ekki neitt í prófatímanum og hafa greinilega enga þörf á því að deila því hvernig þeim líður eða hver staðan er á þeim. Margir hafa skilaboðin sín "tvö af fjórum búin", "úff.. þetta eru nú meiri leiðindin", "One down, three to go", "Nú styttist í prófið", "ég er að missa vitið hérna, HELP!" o.s.frv. ENGINN lýsir því yfir að það sé jákvætt að vera í prófalestri. Vissulega mætti segja að ég væri nú þegar kominn með niðurstöðurnar úr rannsókninni sem ég hef ekki framkvæmt og mun aldrei framkvæma en það sem væri gaman að athuga er hvort þetta myndi breytast eitthvað ef maður myndi sjálfur, og fá fleiri til að gera með sér, breyta skilaboðunum í t.d. "Mikið er kósý að sitja bara inni með bók og kertaljós í prófalestrinum" og gá hvort hin skilaboðin myndu breytast eða jafnvel hverfa. Hin hliðin: Af hverju skrifar fólk þetta? Ef þetta er svona ógeðslega leiðinlegt og andlega erfitt fyrir fólk mætti velta því fyrir sér hvers vegna það leggur þessi ósköp á sig. Er fólk svona dauðhrætt við það að öðlast ekki háskólagráðu og verða að "aumingja"? Að það fái engin störf nema þau sem maður þarf að segja "má bjóa'er franskar me'essu?" eða "Hva marga poka?" Er prófkvíðinn og stressið svona yfirþyrmandi að það nær ekki nokkurri átt? Eða er það normið bara, að það sé erfitt og leiðinlegt að vera í prófum? Finnst fólki það kannski kúl að vera í prófum, og þess vegna deili það þessu með öllum vinum sínum á MSN? Ég myndi að sjálfsögðu ekki byggja rannsóknina einungis á fólkinu sem eru á MSN-inu mínu heldur myndi ég vilja fá að komast í fleiri MSN hjá fólki og sjá þar af leiðandi fleiri "personal message" stöðuna á fólki.

Mér finnst persónulega ekkert leiðinlegt í prófalestri. Þetta er kannski erfitt á tímabilum en svona yfirleitt þá ER þetta á sinn hátt voðalega notalegur tími þegar maður heyrir í vonda veðrinu úti, kveikja á kerti, lesa bækur og glósur og sitja inni í hitanum.

Þess má geta að ég ER í prófalestri um þessar mundir og mér FINNST þetta ekki ÞAÐ leiðinlegt!

2006-11-30T15:41:00.000Z

Hvað á ég að taka sem aukagrein með ferðamálafræðinni?

Japanska
Fjölmiðlafræði
Hagnýt enska fyrir atvinnulífið
Borgarfræði
Atvinnulífsfræði
hættussuvæli og kláraðu ferðamálafræðina!

Sjá niðurstöður

2006-11-06T23:31:00.000Z

Um það leyti sem ég var að lesa aftan á fyrsta diskinn í fríhöfninni heyrist í röddu í kallkerfi flugstöðvarinnar; ,,Vill Tómas Viktor Young vinsamlegast gefa sig fram við þjónustuborð Icelandair." Ég þreifaði á jakka mínum og buxnavösum þar sem ég taldi mig hafa gleymt vegabréfinu í öryggisskoðuninni. Allt á sínum stað. Ég spyr starfsmann Fríhafnarinnar hvar þjónustuborðið sé staðsett. ,,Það er úti í enda á Schengen." Frábært, hugsaði ég. Ég held að það sé alveg tíu mínútna gangur alla leiðina þangað og ég sem ætlaði að skoða mig um í Fríhöfninni. Ég komst að því að vélin mín var yfirbókuð til Kaupmannahafnar og mér var boðið að fljúga fyrst til Noregs og þaðan til Kaupmannahafnar. Ég skyldi koma rúmum klukkutíma seinna en ég átti upphaflega að gera. Konan, sem í sífellu kallaði mig Tomma, bauð mér frímiða til hvaða áfangastaðar sem er með félaginu fyrir óþægindin sem þetta kynni að valda mér. Ég þáði tilboðið og fékk að sjá Noreg úr flugvélinni. Ég var samferða öðrum Keflvíkingi, Ásgeiri í Abúdabí, sem einnig þáði sama tilboðið. Urðum við viðskilja á Kastruup og héldum í sitt hvora áttina. Hann til vina sinna í borginni og ég til Hróarskeldu.

Ég innritaði mig á hótelið og hélt á fund með Jóni Laursen sem er yfir markaðshluta Hróarskeldu. Eftir það var annar fundur með öllum “PR Coordinators” (eins og starfsheitin heita núna) og verklag og skipulag hátíðarinnar kynnt enn einu sinni. Reyndar breytist kerfið oft en ég mundi vel eftir þessu frá fundunum á árunum 2000-2003.

Fyrir fundina var tilhlökkun mín til helgarinnar brotin niður þegar ég frétti að vinir mínir frá Eistlandi og Póllandi kæmu ekki. Fyrir vikið kynntist ég hins vegar nýjum tengiliðum og þar á meðal konu frá Írlandi. Ég segi kona þar sem hún er 35 ára gömul en hún lítur alls ekki út fyrir það. Þröngar buxur, Converse skór og unglegur klæðnaður gerði allt að verkum að ég trúði varla aldrinum hennar. Ég nefni írska tengiliðinn vegna þess að þegar umræðan fór að snúast um hljómsveitir sem við héldum upp á það mikið að við myndum “go out of our way to see them” og ég nefndi Damien Rice sem dæmi. Til að gera langa sögu stutta kom í ljós að hún átti varla til orð hversu vel ég þekkti til hans og hljómsveitarinnar og hún er besta vinkona Vivianne Long, sellóleikarans hans Damien Rice. Hún þekkti alla í hljómsveitinni og þar á meðal Damien sjálfan. Mér fannst þetta vægast sagt merkilegt!

Á föstudagskvöldið fórum við í 500 manna partí sem hátíðin hélt fyrir sjálfboðaliða í Roskilde og svo auðvitað okkur PR fólksins í öllum löndunum. Þema partíssins var “The Chemical Factory” og voru margir í tilraunagöllum og öðrum vísindalegum klæðnaði. Bleikir glóandi drykkir voru bornir fram og svo fengu öll borðin stóra poka af sykurpúðum og spaghetti til að búa til flottustu sameindina. Okkar borð vann ekki þrátt fyrir að við gerðum eina mjög stóra sameind sem náði yfir nokkur borð.

Tvær hljómsveitir spiluðu í partíinu. Annars vegar gaur sem hélt 35 mín trommusóló ásamt því að syngja með og spila líka á bassa. (notaði upptökutæki eins og Damien Rice og Mugison). Nördström spilaði svo síðar um kvöldið. Hljómsveit frá Roskilde sem er á mikilli siglingu.

Laugardagurinn var erfiður enda þynnka dauðans í gangi eftir þessa glóandi drykki. Ég byrjaði því að sofa yfir mig á einstaklingsfundinn með Jóni “yfirmanni” mínum. Hann tók vel í það og var ennþá hlæjandi þegar ég kom í höfuðstöðvarnar. Yfir daginn voru nokkrir mismunandi fundir þar sem við lærðum um sjálfboðaliða (og hvernig skal losa sig við fólk undir okkur ef það stendur sig ekki) og fengum að vita betur hvað er ætlast til af okkur o.s.frv.

Um kvöldið var haldið til Kaupmannahafnar þar sem við fórum út að borða á flottum ítölskum stað og svo var haldið á lífið. Eftir að hafa þrálátlega neitað var ég manaður til að fá mér tekíla en mörg ár hafa skilið mig og drykkinn að. Kvöldið fór þó vel þrátt fyrir fyrri reynslu.

Sunnudagurinn var skrítnastur daganna í ferðinni. Hann byrjaði á mikilli þynnku á fundi kl. 10 um morguninn í höfuðstöðvum Roskilde Festival. Þá var komið að kveðjustund. Það var mikið um faðmlög og sum tár litu meira segja dagsins ljós hjá nokkrum. Sennilega var það vegna mikillar vinsemdar milli samstarfsmanna og ástin á góðu málefni tónlistarhátíðarinnar. Allt mjög “hjartahlýandi”. Við erum öll góðir vinir og hvert skipti sem við förum á svona fund verður það skemmtilegra og skemmtilegra. Það er mikið hlegið og drukkið en á sama tíma fer mikill tími í að ræða um hátíðina og markaðsmálin á fundunum en það er áhuginn fyrir hátíðinni sem gerir fundina skemmtilega.

Þegar öllum fundum var lokið hélt ég til Kaupmannahafnar og var ég þar gangandi um eins og draugur á milli búða á Strikinu. Það var eins og það hefði slokknað á heilanum á mér. Ég klúðraði einhverju í töskugeymslunni á Hovedbanegarden og endaði með að borga nokkrum sinnum 25 danskar krónur fyrir skápinn. Ég fór svo um borð í lestina til Kastrup um seinnipartinn. Þegar ég hafði setið í nokkrar mínútur heyri ég að hurðin opnast á vagninum okkar og lestarstarfsmaður byrjar að skoða miðana hjá fólki. Ég átta mig þá á því að ég hafði (í fyrsta sinn) gleymt að kaupa miða í lestina. Það var vandræðalegt. Sérstaklega þegar (hún) lestarvörðurinn fór að spyrja hvernig ég gæti gleymt að kaupa miða. “Ég er bara steiktur, þunnur og þreyttur eftir gærkvöldið” fannst mér hvorki viðeigandi svar né hæfa spurningunni og því kom ég með einhverja aumingjalega afsökun fyrir framan alla að ég hefði verið að drífa mig. Áttaði mig svo seinna á því að ég hef sennilega lítið litið út fyrir að hafa verið að drífa mig þegar ég kom um borð í lestina.

Ég kom á Kaastrup og fékk þar að vita að fluginu mínu seinkaði um fimm mínútur. Ég dreif mig í gegnum fríhöfnina og keypti hitt og þetta fyrir Klöru og mömmu. Tíu mínútum fyrir flugið tilkynna þeir verulega seinkun á fluginu og bjóða öllum að koma á þjónustuborð til að fá matarmiða. Annað sinn í mjög stuttri ferð þarf ég að fara upp að einhverju þjónustuborði. Maður fer heilu hringina í kringum hnöttinn og lendir aldrei í seinkun en fer svo í helgarferð til Danmerkur og lendir í þessu :D Til að gera langa sögu stutta seinkaði fluginu um næstum níu tíma. Allar búðir lokaðar á flugvellinum. 800 Íslendingar fastir, ýmist dauðadrukknir eða sofandi útum alla stöð. Ég las heilt Q tímarit og hlustaði á mjög margar plötur á iPodinum mínum. Þunnur, þreyttur, neftóbakslaus, síminn batteríslaus (vissi ekki að það væri svona óþægilegt) og bara ómögulegur. Þetta var ekkert sérstaklega skemmtilegt. Ég svaf eins og barn í flugvélinni og kom heim kl. 7 um morguninn í stað kl. 22 kvöldið áður.

En í heildina mjög skemmtileg ferð þrátt fyrir seinkunina og þynnkuna. Ég hlakka til að fara á næsta ári og álit mitt á Roskilde hefur aukist enn meir (ég veit, það er erfitt).

Þau ykkar sem hjálpa mér með Roskilde verð ég að nefna að mig langar að segja ykkur frá sem flestu á þessum fundum því að ég held að þið hefðuð mjög gaman að því að vita þessa hluti.

2006-10-23T18:54:00.000Z

Airwaves (geð) veiki

Þá er hátíðinni lokið og það liggur við að maður sé með Airwaves veikina. Þetta var ótrúlega skemmtilegt. Fjögur kvöld í röð af góðri tónlist, löngu týndum vinum, skemmtilegum endurfundum frá Ástralíu og djammi.

Ég byrjaði á miðvikudagskvöldið á Gauknum þar sem ég var í rannsóknarhug en ég er að vinna að stórri rannsókn í skólanum (þar sem blaðsíðutal hleypur á þriggja stafa tölu!) sem fjallar um hvort íslensk tónlist hafi áhrif á komur erlendra gesta til Íslands. Þetta er efni sem ég tek hugsanlega fyrir til B.S. ritgerðarinnar en ákvað að prófa að gera það líka í áfanga sem heitir eigindlegar rannsóknaraðferðir (aðferð sem byggir á viðtölum og rannsóknarathugunum í stað spurningalista og kannanna sem eru meginlegar aðferðir). Þar hitti ég Inga frænda minn frá Grindavík og Toby sem er íslenskur strákur sem býr í Brisbane í Ástralíu en við hittumst þar í janúar. Það var skemmtilegt kvöld þar sem ber helst að nefna hljómsveitina We Are Scientists (sem tóku ekki ábreiðuna sína Hoppípolla eftir Sigur Rós).

Fimmtudagskvöldið slógust svo Kristján og Björn í hópinn. Björn ákvað á síðustu stundu að fara (klassa-Björn!) og það kvöld var geggjað. Fórum á Ælu, Klaxsons og mugison o.fl. Mugison var reyndar með hljómsveit með sér og þótti mér það miður þar sem hann er betri með kassagítar og tölvuna að mínu mati.

Föstudagskvöldið var það Benni Hemm Hemm sem spilaði örstutt, Wolf Parade og Dr. Spock og fleiri. Einnig gott kvöld sem var þó mesta djammið. Björn kom ekki fyrr en um eitt leytið en djammið lifði þó til um 7 morguninn.

Laugardagurinn var erfiður en mikil þynnka og þreyta var komin í mann. Fórum í flotta útskriftarveislu hjá Einar Frey sem útskrifaðist úr íslenskunni í H.Í. og þaðan beint aftur í bæinn. Þegar hér er komið við sögu var framhaldið ekki bjart en þreytan að drepa mann. Við komumst þó í gírinn þegar við horfðum á hljómsveitina The Cribs en hún var afar hress. Rétt áður en við fórum inn fór ég á bakvið bíl til að míga og Kristján beið eftir mér. Þá hafði Kristján séð söngvarann í Kaiser Chiefs fyrir utan Listhúsið og söngvarinn ,,nikkað" til Kristjáns rétt áður en hann hljóp yfir götuna. Þegar hljómsveitin steig svo á svið var það staðfest að þetta var í raun söngvarinn úr Kaiser Chiefs. Þegar hljómsveitin var búin að spila nokkur lög voru kastarar sem lýstu yfir áhorfendur. Þeir sem í Listhúsið hafa komið vita hversu langur salurinn er en við vorum staddir rétt fyrir ofan miðju frá sviðinu. Þá segir söngvarinn "You look just like my brother!" Ég tók ekkert mark á þessu og leit á klukkuna þar sem ég hélt að hann væri líklegast bara að tala við einhvern fremst við sviðið. Þá segir hann: "You with the blond hair!" Þá tek ég eftir að hann er í raun að horfa eitthvert út í salinn og taldi fráleitt að hann væri að tala um mig. Við Kristján litum báðir fyrir aftan okkur en þá sagði söngvarinn: "No! You are looking behind you!" Kristján benti á sjálfan sig og þá sagði söngvarinn: "Yeah! You look like my brother!" Auðvitað var Kristján sennilega eini hausinn sem hann gat séð úr þessari fjarlægð en okkur þótti þetta mjög fyndið. Ástralir sem við vorum að djamma með lyftu Kristjáni upp svo allir sæju :D Mjög fyndið en söngvarinn actually tók eftir Kristjáni og það úr mikilli fjarlægð. Svo töldu þeir bara aftur í og héldu áfram að rokka. Hann talaði ekkert meira við áhorfendur nema þetta eina skipti við Kristján og þótti okkur það mjög skemmtilegt. Kaiser Chiefs voru með skemmtilegustu tónleika erlendu bandanna og voru í miklu stuði. Þeir tóku eitt uppáhaldslagið mitt þessa dagana Modern Way en það er eitt besta lag síðari ára að mínu mati! Eftir að hafa harkað í gegnum kvöldið og Dr. mister og mr. handsome voru búnir að kvelja eyrun var kominn tími til að segja þetta gott en ég var búinn á því. Kannski að fjögur kvöld í röð sé ekki lengur málið á djamminu eða? Það mætti segja að maður sé hálfveikur eftir þessa Airwaves geðveiki.

En ótrúlega skemmtileg hátíð, það verður að segjast. En hún var líka dýr. Það er nógu dýrt að fara eitt og eitt kvöld í miðbæ Reykjavíkur en 7500 kr armbandið á hátíðina var bara smotterí af því sem þetta kostaði mann. Takk allir fyrir frábæra hátíð! I had a blast.

Ekki missa af nýju hljómsveitinni sem spratt upp frá Airwaves en hún heitir The Shaggy Tits en plata þeirra Shagable Tits en væntanlega í búðir fljótlega. Singullinn Shaggy Tit má heyra á XFM og Rás 2. (ensk heiti skal bera fram með miklum, ýktum, skoskum hreim.)

2006-10-18T13:09:00.000Z

Airwaves byrjar í kvöld :D Við Kristján erum að fara og á ég von að fullt af góðum tónleikum. Það sem ég ætla helst að sjá:

Kaiser Chiefs (eðal britpop þá sérstaklega lagið Modern Way)
Mugison (hlakka alltaf til að sjá þennan á sviði)
Æla (áfram Keflavík!)
Biggi
Lokbrá (áfram Oddur!)
We are Scientists (skrifaði næstum því scientits :) en ég verð að sjá Hoppípolla með þessum hressu fýrum!)
Múgsefjun (heyrt ágætishluti um þessa gaura)
Benni hemm hemm (aldrei séð hann/þá ??!!)
man ekki meira svona top of my head... allar tillögur vel þegnar!

Vonum bara að Kristján og ég verðum ekki jafndrukknir og þegar við vorum á Cook eyjum! Góður...

2006-10-09T23:01:00.000Z

Tommi og Klara 2056?

2006-10-06T15:25:00.000Z

Gleðilegan flöskudag kæru landsmenn!

Lög haustsins hjá mér eru klárlega "I Nearly Lost You" og "All I know" með Screaming Trees. (Hljómsveit sem var uppi á sama tíma og Nirvana og var álíka sveit og Pearl Jam en náði bara aldrei sömu heimsfrægð og þessar hljómsveitir.) Geeeðveik lög.. þá sérstaklega "I Nearly Lost You".

Er að fara í vísindaferð og því gott að hlusta á svona músík áður en maður heldur af stað. Vísindaferðin er hjá Vífilfell hf. "My own private Graceland" ahahaha...

Nýja Killers platan er ekki að gera sömu hluti og sú fyrri við fyrstu hlustanir, sem manni fannst vera smekkfull af hitturum eftir 3 hlustanir! Bestu plöturnar eru samt þær sem maður botnar ekkert í við fyrstu hlustanir og svo grafa þær sig inn í mann einhvern veginn.. kemur í ljós.. því sumar gera það aldrei og eru bara leiðinlegar :)

Skjáumst ;)

2006-10-03T12:26:00.000Z

Til hamingju með daginn elsku Gunnar Einar Annelsson :D Kvartaldargamall! Til hamingju, til hamingju.. kúturinn okkar :D

2006-09-28T11:29:00.000Z

Jæja, enn ein snilldin farin í loftið hjá Skjá Einum. Þó ég ég leggi það ekki í vana minn að ræða einstök atriði úr sjónvarpsþáttum þá ætla ég nú samt að gera það núna. Eruð þið ekki að grínast með gæjann sem fór heim í síðasta þætti af Survivor sem sagðist hafa fundið ástina í lífinu sínu?? Scheize!

Takk fyrir okkur á laugardaginn Gunni og Steini. Þið voruð illfinnanlegir þegar við vorum að fara heim :D Gott afmæli maður! ;)

2006-09-21T08:44:00.000Z

Það var mikið!

2006-09-05T21:19:00.000Z

Félagi minn á aukamiða á Nick Cave til sölu. Kaupandinn þarf að vera mjög handsome stelpa sem á engan handsome kærasta þar sem sætin eru númeruð og þarf viðkomandi að sita á milli mín og félaga míns - sem er einmitt mjög handsome.

Allar "Two bag-er" og "Three bag-er" stelpur skulu sleppa því að hringja en myndarlegar og "One bag-er" stelpur mega hafa samband.

Ef þið vitið um einhverja (ok!!! eða einhvern!) þá má hafa samband við mig og ég kem á þeim trúnaðarupplýsingunum um félaga minn.

2006-09-04T12:57:00.000Z

Ass back in school / fimm átta sjö - tuttugu og sex sautján

Búið að vera mikið um góð djömm undanfarið. Þakka öllum sem komu í "innflutnings"-teitið og komu svo niður í bæ á menningarnótt. Það var ekkert smá skemmtilegt djamm.

Seinast var það Ljósanóttin en Kristján fær hrós vikunnar þar sem hann fór síðastur heim af vinunum þrátt fyrir að hafa verið að vinna allan daginn og átti að mæta í vinnu 45 mínútum seinna klukkan 05:30!!! :D hehe.. Áður en við fórum út var hljómsveitaræfing heima en Gunni barði húðir á meðan við Kristján skiptumst á að spila á strengina. Númi var án efa gestur kvöldsins.

Þynnkan var slík í gær að það var tvisvar étið feitan þynnkumat og þar af leiðandi varð maður þunnur tvisvar en eftir bæði skiptin þurfti maður að fara í fósturstellinguna af þynnkusársauka.

Steve "Crikey" Irwin er dáinn og var það Stingrey skata sem varð manninum að bana þótt ótrúlegt sé. Maður hefur oft velt sér uppúr því hvernig enginn af öllum þessum krókódílum hafi náð að éta hann og hvað gæinn er mikið í kringum baneitraða snáka og köngulær án þess að verða bitinn banvænu biti. Svo kemur Stingray skata sem ég, Kristján og Klara sáum oft í köfunum okkar í ferðinni og nær honum. Ótrúlegt. Maður á eftir að sakna þess að fá hann ekki lengur í Jay Leno með dýrin sín. Hann skilur eftir sig marga skemmtilega ástralska frasa en sá vinsælasti hjá okkur Kristjáni í ferðinni var setning sem stóð á stóru skilti þegar við keyrðum út úr Australia Zoo (dýragarðurinn sem hann stjórnaði og átti ásamt konu sinni) í Ástralíu: "Have a ripper day, mate!" R.I.P. Stevie.

Nú er það bara að hita sig upp fyrir Nick Cave tónleikana sem eru 16. september og koma sér í skólagírinn aftur eftir gott hlé...

ps. gerum ekki ríku stórfyrirtækin ríkari og notum heimasímana þegar við getum. Við erum komin með slíkan hér á Klausturstígnum en síminn er 587 2617.

2006-08-13T03:02:00.000Z

Jæja! Afsakið hléið.

Sumarið 2006

Heimkoman var geggjuð eftir sjö mánuði erlendis. Það var ekkert smá gott að detta aftur í faðm fjölskyldu og vina eftir slíkan tíma. Heimatilbúið "Welcome home" skilti, stærri en "Lifesize" mynd af okkur Klöru er bara brot af því sem tók á móti okkur þegar við komum heim.

Það mætti segja að ég hafi dottið í það í vinnunni á bílaleigunni til að byrja með og vann ég mikið fyrstu vikurnar. Fengum svo í gegn að vinna á 2-2-3 vöktum þannig að sumarið hefur í fyrsta sinn í langan tíma ekki verið "bara vinnan".

Áður en ég vissi af gerðist ég umboðsmaður hjálma og hefur sú vinna tekin dágóðan en skemmtilegan tíma af frídögunum. Einhvern veginn þróuðust hlutirnir þannig að ég var eiginlega aldrei í fríi frá vinnu þó fasta vinnan hafi aðeins verið 15 dagar af mánuðinum. Áður en ég vissi af var ég líka búinn að taka að mér starf framkvæmdarstjóra ljósalagsins 2006 en það hefur einnig tekið tíma vinnan í kringum það. Ég gaman af þessu þessu, það má ekki fara á milli mála, en að vinna í kringum margt af þessu fólki er eins og reyna stýra rollu en rollan sem ég er að reyna stýra finnst mér stundum vera á stærð við skemmtiferðaskip. Soldið erfitt stundum.

Árlegur viðburður var Hróarskelda og var hún ótrúlega vel heppnuð. Fékk loks að sjá Guns n Roses eða Axl Rose réttara sagt en sveið af samviskubiti daginn eftir því ég missti af Sigur Rós Axl vegna. Réttlætti það svo þannig að ég sæi sennilega aldrei í smettið í Axl aftur. Þrátt fyrir allt magaklappið, hláturinn og tónlistina var það án efa Silent Disco sem stóð uppúr sem minningin um ´06 hátíðina en í litlu kúlutjaldi var fjöldi fólks (þar á meðal við) sem dönsuðu eins og vitleysingar í hljóði en allir voru með þráðlaus headphone frá seinnheiser sem og plötusnúðurinn sem stjórnaði tónlistinni. Það var einkennilegt að svara í símann og segjast vera á diskoi en að sjálfsögðu trúði sá sem hringdi mér ekki. Semsagt Guns, Silent Disco, rauðvín, gott veður og magaklappið verður minningin mín með öllu því skemmtilega fólki sem var í tjaldbúðunum okkar um Roskilde ´06.

Við erum búin að fá íbúð í Reykjavík og er hún staðsett á Klausturstíg 7 upp í Grafarholti. Sóttum upphaflega um í miðbænum en fengum ekki. Nú erum við komin inn í kerfið hjá þessum stúdentagörðum og eigum því von á að verða flutt í vetur þegar einhver íbúðin losnar. Verið óhrædd að kíkja í heimsókn eftir 18. ágúst :) Íbúð 216 á annari hæð!

Klara ætlar að takast á við lögfræðina í H.R. og ég held áfram í mínu námi í ferðamálafræðinni í H.Í. Þetta ætti að vera skemmtilegt að upplifa þar sem við höfum aldrei verið á sama tíma í háskóla en mikill tími fór í vidjógláp á kvöldin síðast þegar ég var í H.Í. Hef á tilfinningunni að það verði minna um það þegar við erum bæði komin í háskólanám.

Það nýjasta hjá mér að ég mun sjá um tónleikana hans Harðar Torfasonar í haust en maðurinn er þekktur fyrir sína uppseldu hausttónleika á hverju einasta hausti s.l. 30 ár. Ákveðinn aðili var búinn að taka verkið að sér en gerðist svo bæjarstjóri og bauð mér verkið. Þáði ég það með trega en hlakka til að takast á við eitthvað nýtt.

Þetta er gott í bili - allavega meira en hefur verið skrifað hér í sumar.

Later.

2006-06-25T23:54:00.000Z

Er farinn á Roskilde! :D

Þeir sem hanga á skerinu á meðan geta skellt sér á hjálma á einhverjum af tónleikum þeirra:

30.06.06 - 12 Tónar - Reykjavík
hjálmar hita upp fyrir helgina með tónleikum í verslun 12 Tóna á Skólavörðustíg 14 á milli 17:00-18:00.

30.06.06 - hjálmar og blúsband KK á NASA
Stórtónleikar á NASA við Austurvöll. KK kynnir nýja plötu um þessar mundir og ber gripurinn heitið "KK Blús". Platan kemur út í byrjun júlí. Húsið opnar kl. 21 og hefjast tónleikarnir stundvíslega kl. 23 með blúsbandi KK.

01.07.06 - Landsbankinn í Keflavík
120 ára afmæli Landsbankans.

01.07.06 - Lindin á Laugarvatni
hjálmar spila á tónleikum í nýjum sal veitingahússins Lindarinnar. Húsið opnar kl. 22:00 og miðaverð er 2500kr. Aldurstakmark er 20 ára.

02.07.06 - Útlaginn - Flúðir
Tónleikar á Útlaganum á Flúðum kl. 22:00. Miðaverð 2000 kr.

Þeir sem verða erlendis gætu jafnvel líka náð þeim:

05.07.06 - 12 Tónar - Kaupmannahöfn
hjálmar hita upp fyrir tónleikana sína í Loppen með órafmögnuðum tónleikum í verslun 12 Tóna við Fiolstræde 7 kl. 17:30.

05.07.06 - Loppen, Christiania Danmörku
hjálmar spila á Loppen í Kristaníu

07.07.06 - Tallinn, Eistlandi
Tónlistarhátíðin Öllesummer 2006

kveðja,
umboðsmaðurinn.

2006-06-22T14:07:00.000Z

Varðandi HM...

Eru menn að reyna að vera fyndnir eða eru þeir bara svona ógeðslega fyndnir íþróttaþulirnir sem eru að lýsa HM á Sýn þegar þeir koma með mola á borð við:

"Joe Cole er búinn að vera iðinn við kolann í þessum leik."
"Þetta var nú sóðaleg tækling hjá Messi." og svo framvegis....

Nú hef ég ekki haft tíma til að fylgjast með HM af viti en alltaf þegar ég tek mig til þá fljúga svona molar hjá þulunum.